«Իրանը պատրաստ է օգնել Երևանի և Բաքվի միջև հակամարտության վերջնական կարգավորմանը». Իրանի նախագահի աշխատակազմի ղեկավար
Իրանի նախագահի աշխատակազմի ղեկավար Մահմուդ Վաեզին նախօրեին հայտնել է, որ ուրախ է Հայաստանի և Ադրբեջանի միջև ռազմական հակամարտության դադարեցման կապակցությամբ՝ հայտարարելով, որ «Իրանը պատրաստ է օգնել երկու հարևան երկրների միջև հակամարտության վերջնական կարգավորմանը», գրում է IRNA-ն։
Ինչպես նշում է գործակալությունը, Ադրբեջանի փոխվարչապետ Շահին Մուստաֆաևի հետ հանդիպման ժամանակ Վաեզին հավելել է, որ Իրանը միշտ համարել է, որ «երկրների, հատկապես հարևան երկրների միջև տարաձայնությունները պետք է լուծվեն բանակցությունների միջոցով, և որ պատերազմը ոչ մի կերպ չի կարող փոխարինել քաղաքական լուծումներին»:
«Ինչպես ընդգծել է Ադրբեջանի նախագահը, Իրանն այդ երկրի հետ իր սահմանը համարում է խաղաղության և բարեկամության սահման, միշտ հարգել է բոլոր երկրների տարածքային ամբողջականությունը և կոչ արել մյուս երկրներին հարգել միմյանց տարածքային ամբողջականությունը»,- հավելել է նա։