Գերմանիան դադարեցնում է Թուրքիայի հետ ռազմական նախագծերը
Գերմանիան դադարեցնում է Թուրքիայի հետ ռազմական նախագծերը՝ երկու երկրների հարաբերություններում լարվածության համատեքստում, հայտնում է Reuters –ը վկայակոչելով Bild թերթը, որն էլ իր հերթին վկայակոչում է կառավարական աղբյուրները։
Այս միջոցառումը վերաբերելու է թե ծրագրված ռազմական նախագծերին, թե այն նախագծերին, որոնք արդեն իրականացման փուլում են։ Նշում են, որ մինչեւ վերջերս Գերմանիայի կողմից Թուրքիային սպառազինումների մատակարարումները խնդիր չեն եղել։
Հիշեցնենք, որ Գերմանիայի ԱԳՆ-ն կանչել է Թուրքիայի դեսպանին ՝ Թուրքիայում գերմանացի իրավապաշտպան Պետեր Շտոյնդթների կալանավորման կապակցությամբ։ Թուրք դեսպանին հայտնել են, որ Շտոյնդթների ու մյուս ակտիվիստների կալանավորումն անընդունելի է։ Գերմանիայի ԱԳ նախարար Զիգմար Գաբիրելը, իր հերթին, հայտնել է, որ Բեռլինը վերանայելու է տնտեսական քաղաքականությունը Անկարայի նկատմամբ, վարկային ու ներդրումային ծրագրերը՝ Թուրքիայում իրավապաշտպանների կալանավորումների կապակցությամբ։ Նախարարը նաեւ հայտնել էր․ «Ես կարող են բացահայտ ասել, որ չեմ պատկերացնում մաքսային միության ընդլայնման մասին բանակցությունները, քանի դեռ ԵՄ քաղաքացիները անհիմն կալանավորվում են Թուրքիայում»։