Նիկոլ Փաշինյանն իրեն համեմատում է Հիսուս Քրիստոսի հետ
Նիկոլ Փաշինյանը վարչապետ դառնալուց ամիսներ առաջ է «ճանաչել» Հիսուս Քրիստոսին: Դժվար է ասել, թե ծանոթացնողն ով է եղել, բայց հաստատ Հայ Առաքելական եկեղեցուց չի եղել, հակառակ դեպքում այսօր արդեն վարչապետ Փաշինյանն իրեն թույլ չէր տա Աստծո Միածին Որդի Հիսուս Քրիստոսին դասել մարդկային պատմության կերպարների շարքին, նրան ընկալել սովորական մարդկային, բայց ուժեղ կերպար:
Հետո Փաշինյանը սկսեց հաճախ ինքն իրեն համեմատել, նմանեցնել Հիսուս Քրիստոսի հետ: Սա շատ լուրջ խնդիր է մեր երկրի, ազգի, ժողովրդի համար, սա կարող է ծանր հետեւանքներ ունենալ:
Հիշեցման կարգով մի քանի մեջբերում.
«Հիսուս Քրիստոսի կերպարը շատ խորը տպավորություն թողեց իմ վրա...Հիսուս Քրիստոսը մարդկության պատմության ամենահզոր կերպարն է»:
մարտ 2018թ.
«Ինչպես Հիսուս Քրիստոսը անդամալույծին ասել է` վեր կաց և քայլիր...և ես, այսօր ինձ իրավունք եմ վերապահում` որպես Հայաստանի Հանրապետության վարչապետ, որպես ժողովրդի ազատ կամքով ընտրված վարչապետ... ասել հայ ժողովրդին` վե՛ր կաց և քայլի՛ր, դու անդամալույծ չես»:
19.02.2019
«Մենք քարոզում ենք սեր, եկեղեցում ենք մենք գտնվում, ես ինքս, ինչպես մեր Տեր Հիսուս Քրիստոսն էր սեր քարոզում, բայց երբ որ եկավ ժամանակը, նա մտավ տաճարի տարածք և շուռ տվեց սեղանները՝ ասելով, որ այս սրբության տաճարը դուք դարձրել եք առևտրի և դալալության միջավայր: Նույնիսկ Հիսուս Քրիստոսը մտավ տաճար և շուռ տվեց էն սեղանները, որտեղ պղծվում էին սրբությունները»:
20.11.2019թ.
«Մեր խնդիրն է, որ պետական պաշտոնյայի` իշխանի և բդեշխի բարդույթը փոխակերպվի Հիսուսի բարդույթով»:
29.11.2019թ.
«Երբ որ խոսում էի դավաճանության մասին և դավաճանների մասին, որոնք նույնպես եղել են և, հնարավոր է, էլի լինեն մեր իշխանության մեջ, մասնավորապես` իրավապահ համակարգում, ըստ էության` դա էլ խոստովանություն է, սխալի խոստովանություն է և սխալը ընդունելու, բայց հետո, որ մեկ-մեկ այդ թեմայով մտածում, տանջվում եմ, ինձ էլի օգնության է գալիս Սուրբ գիրքը, Ավետարանը, որ ասում է, եթե դու ի վիճակի չես էնպիսի կադրային քաղաքականություն վարել, որ դավաճանություն չլինի, դու որքանով ես ի վիճակի ղեկավարել երկիրը, ղեկավարել կառավարությունը: Ու Սուրբ գիրքը ինչով ա գալիս օգնության... նույնիսկ Հիսուս Քրիստոսի ընտրած կադրերի մեջ դավաճաններ, պարզվեց, կան, էնպես որ, եթե նույնիսկ Հիսուս Քրիստոսը ի վիճակի չի եղել անդավաճան կադրային քաղաքականություն վարել, մեծամտություն կլինի մտածել, թե որևէ վարչապետ կամ, օրինակ, ես կարող եմ էդպիսի քաղաքականություն վարել»:
3.03.2020
«…Հայաստանը պետք է կառուցենք այնպես, ինչպես կկառուցեինք Հիսուսի երկրորդ գալստյանը սպասելիս…»,- Քրիստոսի «պաշտոնական ներկայացուցիչը»
17.08.2020թ.
Top-News.am