Ադրբեջանի դեսպանը հայրենակիցներին կոչ է անում հետեւել Ռուսաստանի օրենքներին
Ռուսաստանում Ադրբեջանի դեսպան Փոլադ Բյուլբուլ-օղլուն հայրենակիցներին կոչ է արել հետեւել Ռուսաստանի օրենքներին եւ կանոնակարգերին։
«Դուք ապրում եք Ռուսաստանում, ձեզանից շատերն այս մեծ երկրի քաղաքացի են: Ես խնդրում եմ ձեզ հետեւել այստեղ գործող օրենքներին ու կանոնակարգերին: Մեր պայքարը պետք է իրականացվի բացառապես իրավական շրջանակներում»,- նշել է դեսպանն իր ուղերձում, փոխանցում է «ՌԻԱ Նովոստի»-ն։
Ինչպես ավելի վաղ հայտնել էին Մոսկվայում ՆԳՆԳՎ-ի մամուլի ծառայությունից, ոստիկանությունը Մոսկվայում ծեծկռտուքի 13 մասնակց է ձերբակալել, որի հետեւանքով վիրավորվել է մեկ մարդ: Կոնֆլիկտը տեղի է ունեցել հուլիսի 23-ի երեկոյան Պերերվա եւՊերերվինսկի փողոցների խաչմերուկում։ Կռվի մասնակիցներից մեկը տեղափոխվել է հիվանդանոց՝ ուսի կտրած վերքով: Ոստիկանությունը ստուգում է իրականացնում ծեծկռտուքի փաստով: Իրավապահ մարմիններում «ՌԻԱ Նովոստի»-ի աղբյուրի փոխանցմամբ՝ խոսքը հայերի եւ ադրբեջանցիների խմբերի միջեւ բախման մասին է: Օտարերկրացիներին, ովքեր մասնակցել են Մոսկվայում զանգվածային ծեծկռտուքին, կարող են սահմանափակել մուտքը Ռուսաստանի Դաշնություն, հայտնել են ՆԳՆԳՎ-ում։