Դադարեցնել Հայոց լեզվի և գրականության չափորոշչի և ծրագրերի հանրային քննարկումը և չեղարկել նախագիծը. Կատվալյան
ՀՀ ԳԱԱ լեզվի ինստիտուտի տնօրեն Վիկտոր Կատվալյանը Facebook-ի իր էջում անդրադարձել է ԿԳՄՍ նախարարության կողմից ներկայացված կրթական չափորոշիչին:
Նա, մասնավորապես, նշել է. «ՀՀ ԿԳՄՍ նախարարությանը հորդորում եմ դադարեցնել Հայոց լեզվի և գրականության չափորոշչի և ծրագրերի հանրային քննարկումը և չեղարկել նախագիծը՝ նկատի ունենալով շարադրանքի աղաղակող լեզվական սխալներն ու անտրամաբանական ձևակերպումները, մասնագիտական ու բովանդակային անլիարժեքությունն ու թերացումները, կրթական գործի կազմակերպման վերաբերյալ պատկերացումների՝ ազգային ու պետական նպատակներին ու շահերին, առկա աշխարհաքաղաքական իրադրությանը անհամապատասխանությունը»:
ԿԳՄՍՆ-ն հանրային քննարկման է ներկայացրել կրթության չափորոշիչը, որը բուռն քննարկումների առիթ էր տվել: Մասնավորապես, նախատեսվում է «Հայ գրականություն» առարկայի անվանումից հանել «հայ» անվանումը: