Արայիկ Հարությունյանը այցելել է Արցախի ամենաբարձր մարտական դիրք գիշերն այնտեղ մարտական հերթապահություն իրականացրել
Արցախի Հանրապետության նախագահ Արայիկ Հարությունյանը պաշտպանության բանակի շտաբի պետ Կամո Վարդանյանի ուղեկցությամբ այցելել է Արցախի (գուցե և աշխարհի) ամենաբարձր (բարձրությունը՝ 3,724 մ) մարտական դիրք, որը տեղակայված է Գոմշասարի գագաթին: Տեղեկությունը Facebook–ի իր էջում հայտնում է նախագահի մամուլի խոսնակ Վահրամ Պողոսյանը։
Արցախի նախագահն ամբողջ գիշեր մարտական հերթապահություն է իրականացրել
«Երկրի ղեկավարը դիրքապահ տղաների հետ ամբողջ գիշեր մարտական հերթապահություն է իրականացրել՝ անձամբ հետևելով առաջնագծի այդ հատվածում տիրող օպերատիվ իրավիճակին: Նախագահը րոպեներ առաջ է վերադարձել առաջնագծից»,–գրել է Պողոսյանը:
«Արցախի Հանրապետության նախագահ Արայիկ Հարությունյանը շաբաթ օրը պաշտպանության բանակի շտաբի պետ Կամո Վարդանյանի ուղեկցությամբ այցելել է Արցախի (գուցե և աշխարհի) ամենաբարձր մարտական դիրք, որը տեղակայված է Գոմշասարի (բարձրությունը՝ 3,724 մ) գագաթին: Երկրի ղեկավարը դիրքապահ տղաների հետ ամբողջ գիշեր մարտական հերթապահություն է իրականացրել՝ անձամբ հետևելով առաջնագծի այդ հատվածում տիրող օպերատիվ իրավիճակին:
Նախագահը րոպեներ առաջ է վերադարձել առաջնագծից: Այցի մանրամասները կհրապարակվեն շուտով: Գիշերը խաղաղ է եղել ինչպես Գոմշասարի ուղղությամբ, այնպես էլ արցախա-ադրբեջանական սահմանի ամբողջ երկայնքով: Պաշտպանության բանակը շարունակում է լիարժեք տիրապետել իրադրությանը՝ թե՛ ցամաքում և թե՛ օդում:
Փա՛ռք հայոց հաղթական բանակին»: