Հարսնացուները բողոքի ակցիա են կազմակերպել մեծ հարսանիքների արգելքի պատճառով
Հռոմում ապստամբում են չամուսնացած կանայք։ Կորոնավիրուսի պատճառով շատ զույգեր ստիպված են եղել հետաձգել հարսանեկան արարողությունները, քանի որ իշխանություններն արգելել են շքեղ հանդիսությունները:
« Ամուսնանալ առանց հյուրերի չեմ ուզում, ուզում եմ փայլուն շքեղ զգեստ գնել, առանց հյուրերի հարսանիքն ինչ եմ անում»,- նշում են հարսնացուները։
Այդ պատճառով 15 աղջիկներ, հարսանյաց զգեստներ հագած, հավաքվել են Տրևիի շատրվանի մոտ եւ իշխանություններից պահանջում են հանել արարողության արգելքը:
«Ես պետք է ամուսնանայի սեպտեմբերին, սակայն կառավարական սահմանափակումների պատճառով ստիպված էինք հետաձգել ամսաթիվը առնվազն մեկ տարով»,- CNN-ի թղթակցին բողոքել է ակցիայի մասնակիցներից մեկը ՝ Ֆրանչեսկա Դել Վեչիոն:
Աղջիկներն իրենց բողոքն անվանել են «չամուսնացածների ֆլեշմոբ»։ Նրանց միացել են հարսանեկան ինդուստրիայի աշխատակիցները։