Ռուսաստանում կորոնավիրուսի տարածման գագաթնակետն անցել է. Պուտին
Ռուսաստանում կորոնավիրուսի տարածման գագաթնակետը, փորձագետների կարծիքով, անցած է համարվում: Ռուսաստանի պաշտպանության նախարար Սերգեյ Շոյգուի հետ հանդիպման ժամանակ այս մասին հայտարարել է Ռուսաստանի նախագահ Վլադիմիր Պուտինը, փոխանցում է «ՌԻԱ Նովոստի»-ն:
Ռուսաստանի ղեկավարը շնորհակալություն է հայտնել Պաշտպանության նախարարության մասնագետներին, ովքեր օգնություն են ցուցաբերել Իտալիային, Սերբիային, Բոսնիա եւ Հերցեգովինային, ինչպես նաեւ մի շարք այլ երկրներին COVID-19-ի համավարակի դեմ պայքարում:
«Պետք է ասել, որ այժմ մենք նրանցից եւս առաջարկներ ենք ստանում, օգնության առաջարկներ: Ճիշտ է, գագաթնակետը մեզ մոտ, մասնագետների կարծիքով, համարվում է անցած, բայց, այնուամենայնիվ, այն ամենը, ինչ դուք արել եք, գնում է ամբողջ աշխարհի գործընկերների հետ մեր փոխգործակցության խնայատուփ»,- նշել է Պուտինն աշխատանքային հանդիպման ընթացքում: