Մշտական դիմակ կրելու վնասակարության մասին
Մանկական բժիշկ և հեռուստահաղորդավար Եվգենի Կոմարովսկին բացատրել է, թե ինչով է վնասակար բժշկական դիմակի մշտական կրելը: Այս մասին հայտնում է Լենտան։
Կոմարովսկիի խոսքերով, թոքերը մարդու մարմնում ջերմակարգավորման հիմնական գործիքներից են: Որպես օրինակ, նա նշել է՝ եթե մարդը շնչում է 20 աստիճան ունեցող օդ, արտաշնչում է 36 աստիճան ունեցող օդ։
Բժիշկը շեշտել է, որ դեմքի վրա դիմակի ստաբիլ առկայությունը դժվարացնում է «ջերմության կորուստը»․ «Այսինքն՝ դիմակով անձը, ով գտնվում է շոգ տարածքում, շատ ավելի ինտենսիվորեն է քրտնելու և տհաճություններ է զգալու»,-ասել է Կոմարովսկին:
Միևնույն ժամանակ, նա ուշադրություն է հրավիրել այն փաստի վրա, որ եթե հասարակական սննդի ոլորտի աշխատողներն անընդհատ դիմակ կրեն աշխատանքի ժամանակ, դա լրացուցիչ խնդիրներ կստեղծի․ «Նա քրտնած է, անընդհատ քրտնում է, անընդհատ ձեռքերով դիմակն ուղղում և հետո ի՞նչ է անում․ Վերցնում է և սենդվիչ է պատրաստում Ձեզ համար»,-ասել է բժիշկը: