Կարանտինի դեմ ցույց՝ Վլադիակավկազում. մասնակիցները բանակցել են իշխանությունների հետ. (տեսանյութ)
Վլադիկավկազում ինքնամեկուսացման ռեժիմի դեմ չարտոնված բողոքի ցույցի մասնակիցների ներկայացուցիչները բանակցություններ են վարել իշխանությունների հետ, հայտնում է РБК-ն՝ վկայակոչելով Հյուսիսային Օսիայի կառավարության մամուլի ծառայությանը:
«Բանակցային սեղանի շուրջ (տարածաշրջանի ղեկավար) Վյաչեսլավ Բիտարովը լսել է ցուցարարների բոլոր պահանջները: Հանրապետության ղեկավարը հավաստիացրել է, որ հանրապետության անապահով բնակիչներին եւ նրանց, ովքեր համավարակի ժամանակ առանց աշխատանքի են մնացել, տրամադրվել է, տրամադրվում է եւ կտրամադրվի անհրաժեշտ սոցիալական օգնություն»,- ասվում է հայտարարության մեջ:
Ապրիլի 20-ի կեսօրին Հյուսիսային Օսիայի վարչակազմի շենքի դիմաց հավաքվել է ավելի քան 1500 մարդ՝ պահանջելով, որ իշխանությունները վերացնեն համընդհանուր ինքնամեկուսացման ռեժիմը, «պարզաբանեն իրավիճակը» եւ օգնեն կորոնավիրուսային համաճարակից ֆինանսապես տուժած քաղաքացիներին:
Ըստ մարզային կառավարության տվյալների՝ Շտիբայի հրապարակում վարչական շենքի դիմաց հավաքվել է մոտ 200 մարդ: