«Այլևս ոչ ոք չի երգում և պարում պատշգամբներում». Իտալիայում մարդիկ սկսել են աղքատությունից վախենալ․ The Guardian
Այս թեմայով
- Դանիան առաջինը Եվրոպայում հանել է COVID-19-ի պատճառով մտցված բոլոր սահմանափակումները
- Պատվաստումների մասին կեղծ տեղեկություններ տարածողների նկատմամբ պետք է ձեռնարկվեն ամենախիստ միջոցները.Վլադիմիր Կրուգլի
- Մեծ Բրիտանիայի իշխանությունները ՃՏՊ-ի զոհերի մահը վերագրել են COVID-19-ին. Daily Mail
- Լոնդոնում հակակորոնավիրուսային սահմանափակումների հնարավոր խստացման դեմ բողոքի ցույց է անցկացվել
Մինչև վերջերս աշխարհը հիանում էր իտալացիների լավատեսությանբ, որոնք նոր տեսակի կորոնավիրուսի ֆոնին համազգային կարանտին հայտարարելուց հետո իրենց պատշգամբներից բղավում էին «ամեն ինչ լավ կլինի» (Andrà tutto bene), երգում էին ու պարում։ Սակայն, ինչպես գրում է The Guardian-ը, լավատեսությունն իտալացիների շրջանում վերջին շաբաթներին նվազել է։
«Այլևս ոչ ոք չի երգում և պարում պատշգամբներում»,- հրատարակության լրագրողներին պատմել է Նեապոլում եկեղեցական բարեգործական կազմակերպության հոգևորականը:
Նա նշել է, որ մարդիկ սկսել են աղքատությունից ավելի շատ վախենալ, քան նոր վիրուսից։ Նրա խոսքով՝ շատերը կորցրել են իրենց աշխատանքը և այժմ ապավինում են անվճար սննդի օգնությանը։
Ինչպես հաղորդում է The Guardian-ը, ոչ մեծ մթերային խանութների տերերի վրա սկսել են ճնշում գործադրել, որպեսզի նրանք անվճար սնունդ բաժանեն: Իսկ որոշ շրջաններում ոստիկանությունը պարեկում է՝ սուպերմարկետներում գողությունները դադարեցնելու համար:
Իշխանությունները մտահոգված են, որ իրավիճակից կարող է օգտվել մաֆիան, որը անօրինական աշխատանք կառաջարկի նրանց, ովքեր հայտնվել են աղքատության շեմին և մնացել են առանց ապրուստի միջոցների։
Համաճարակի սկսվելուց ի վեր Իտալիայում նոր կորոնավիրուսի զոհ է դարձել ավելի քան 13 155 մարդ, արձանագրվել է 110,574 դեպք։
Առողջապահության համաշխարհային կազմակերպությունը մարտի 11-ին նոր կորանավիրուսը համավարակ էր հայտարարել: Վերջին տվյալներով՝ աշխարհում գրանցվել է վարակման 936,045 դեպք, 47,245-ը՝ մահվան ելքով, ապաքինվել է 194,576 մարդ։