Ինչպես է ստացվում, որ բացարձակապես առողջ մարդը հայտնվում է այս վիճակում․ Հայկ Ալումյանը՝ Ռոբերտ Քոչարյանի առողջական վիճակի վատթարացման մասին (տեսանյութ)
Ռոբերտ Քոչարյանի փաստաբանական թիմը հանդես եկավ ճեպազրույցով։
Հայկ Ալումյանը նշեց, որ իրենց պատշաճ ձևով չեն ծանուցել, որ դատական նիստը տեղի չի ունենալու։ Ալումյանը նաև անդրադարձավ Ռ․ Քոչարյանի առողջական վիճակին՝ նշելով, որ դեռ հարց է՝ ինչպես է ստացվում, որ բացարձակապես առողջ մարդը հայտնվում է այս վիճակում։
Նշենք, որ Երևանի ընդհանուր իրավասության դատարանի դատավոր Աննա Դանիբեկյանը վատառաղջ լինելու պատճառով չի կարող վարել սահմանադրական կարգի ենթադրյալ տապալման գործով այսօր նշանակած հերթական նիստը։
Հիշեցնենք, որ այսօր պետք է քննարկվեր Ռ․ Քոչարյանին անձնական երաշխավորությամբ ազատ արձակելու միջնորդությունը, ինչը տեղի չունեցավ դատավոր Աննա Դանիբեկյանի վատառողջության պատճառով։
Հիշեցնենք նաև, որ Ռ․Քոչարյանի խափանման միջոց կալանքը անձնական երաշխավությամբ փոխելու առաջարկով հանդես էին եկել ՀՀ նախկին վարչապետեր Վազգեն Մանուկյանը, Խոսրով Հարությունյանը և Կարեն Կարապետյանը, ինչպես նաև Արցախի նախկին վարչապետ Անուշավան Դանիելյանը։