ՄՕԿ նախագահը չի բացառել Օլիմպիական խաղերի հետաձգումը
Այս թեմայով
- Դանիան առաջինը Եվրոպայում հանել է COVID-19-ի պատճառով մտցված բոլոր սահմանափակումները
- Պատվաստումների մասին կեղծ տեղեկություններ տարածողների նկատմամբ պետք է ձեռնարկվեն ամենախիստ միջոցները.Վլադիմիր Կրուգլի
- Մեծ Բրիտանիայի իշխանությունները ՃՏՊ-ի զոհերի մահը վերագրել են COVID-19-ին. Daily Mail
- Լոնդոնում հակակորոնավիրուսային սահմանափակումների հնարավոր խստացման դեմ բողոքի ցույց է անցկացվել
Միջազգային օլիմպիական կոմիտեի նախագահ Թոմաս Բախը հայտարարել է, որ իր ղեկավարած կազմակերպությունը կորոնավիրուսի պատճառով Օլիմպիական խաղերը հետաձգելու վերաբերյալ վերջնական որոշում կընդունի առողջապահության համաշխարհային կազմակերպության հետ քննարկումներ ունենալուց հետո:
«Մենք խնդիրը կքննարկենք առողջապահության համաշխարհային կազմակերպության հետ և կհետևենք նրանց խորհրդին: Միջազգային օլիմպիական կոմիտեն կանի ամեն ինչ հաջող մրցաշար կազմակերպելու համար:
Օլիմպիական խաղերի վարկանիշային մրցաշարերը կորոնավիրուսի պատճառով հետաձգվում են, և դա բավականին լուրջ խնդիր է: Մենք այս հարցին պետք է գտնենք լավագույն լուծումը, որը չպետք է վնաս հասցնի ոչ Օլիմպիական խաղերի հեղինակությանը, ոչ մարզիկներին և ոչ էլ այն միլիարդավոր մարդկանց, որոնք անհամբերությամբ սպասում են Տոկիո-2020-ի մեկնարկին»,- Թոմաս Բախի խոսքը փոխանցում է Ria Novosti-ն:
Առողջապահության համաշխարհային կազմակերպությունը մարտի 11-ին կորոնավիրուսը՝ COVID-19-ը հայտարարեց որպես համաշխարհային համաճարակ: Աշխարհի 118 երկրում վիրուսով վարակված է ավելի քան 124 հազար մարդ: Զոհերի թիվը մոտենում է 5 հազարին: