Քըրք Դուգլասը որդուն՝ Մայքլին ժառանգություն չի թողել
103 տարեկան հասակում մահացած Քըրք Դուգլասն իր ողջ կարողությունը կտակել է բարեգործությանը: Այս մասին հայտնել է Mirror-ը:
Հոլիվուդյան դերասանը մոտ 80 մլն դոլար է կտակել բարեգործական հիմնադրամի, որի հիմնադիրներն են Քըրք եւ Աննա Դուգլասների Մանկական կենտրոնը, Կալվեր-սիթիի Քըրք Դուգլասի անվան թատրոնը եւ Լոս-Անջելեսի մանկական հիվանդանոցը:
Դրանից բացի, կարողության մի մասն էլ ուղղվելու է Սուրբ Լավրենտիի Համալսարանի չքավոր ուսանողներին՝ որպես կրթաթոշակ:
Այսպիսով նրա որդին՝ դերասան Մայքլ Դուգլասը կմնա առանց ժառանգության: Սակայն Մայքլի կարողությունը մոտ 300 մլն դոլար է, եւ այդ պատճառով նա փողի կարիք չունի, նշում է պարբերականը:
Քըրք Դուգլասը մահացել է փետրվարի 5-ին: Նա պատկանում էր Հոլիվուդի, այսպես կոչված, ոսկե դարաշրջանին:
Top-News.am