Հայկ Մարությանը հանրաքվեի քարոզարշավ է իրականացնելու (տեսանյութ)
Հանրաքվեի քարոզարշավ եմ իրականացնելու ոչ աշխատանքային ժամերին: Այս մասին փետրվարի 11-ին հայտարարեց Երեւանի քաղաքապետ Հայկ Մարությանը՝ հավելելով, որ դեռ որոշում չի կայացրել՝ արձակուրդ կվերցնի, թե՝ ոչ:
Նա նշեց, որ հանրաքվեի հետ կապված որոշ հարցեր քննարկել է ԿԸՀ նախագահ Տիգրան Մուկուչյանի հետ: «Քանի որ որեւէ որոշում չի ընդունվել, այդ հարցերը Երեւանի ավագանու խորհրդի նիստի օրակարգում ներառելն անիմաստ էր»,- պարզաբանեց քաղաքապետը:
Հիշեցնենք, որ ապրիլի 5-ին Հայաստանում սահմանադրական բարեփոխումների հարցով հանրաքվե տեղի կունենա: Քարոզարշավը կսկսվի փետրվարի 17-ին: