Պետության ղեկավարն այս կարգի էժան չի լինում. Սամվել Ֆարմանյանը՝ ՍԴ նախագահի վերաբերյալ վարչապետի գրառման մասին
Հասարակական–քաղաքական գործիչ Սամվել Ֆարմանյանը ֆեյսբուքյան իր էջում գրառում է արել, որում անդրադարձել է վարչապետ Նիկոլ Փաշինյանի ֆեյսբուքյան գրառմանը։ Հիշեցնենք, որ վերջինս որպես ապացույց իր հայտարարության, թե ՍԴ նախագահ Հրայր Թովմասյանը բազմիցս իր ծառայություններն է առաջարկել իրեն, այսօր հրապարկել էր գրչի լուսանկար։ Սամվել Ֆարմանյանը գրել է.
«2012-2018 թթ. Նիկոլ Փաշինյանն իմ աշխատասենյակում բազմաթիվ անգամ սուրճ է խմել: Իմ օգնականն էլ էդ առիթներով երևի հարցրել է` սուրճը շաքարո՞վ, թե առանց, պարոն Փաշինյան: Նիկոլն էլ միշտ շնորհակալություն էր հայտնում: Փաստորեն, Նիկոլն ու օգնականս ոտքի վրա պարբերաբար քծնանքի ու շողոքորթության ռևերանսներ են փոխանակել, չեմ էլ իմացել:
Պետության ղեկավարը էս կարգի էժան չի լինում էլի... Չի լինում»: