Հենրիխ Մխիթարյանը Եվրոպայի լիգայի գավաթակիր (Լուսանկարներ)
Հայաստանի հավաքականի առաջատար Հենրիխ Մխիթարյանը դարձավ առաջին հայաստանցի ֆուտբոլիստը, որ նվաճեց Եվրոպայի լիգայի գավաթը: Սա մեծ նվաճում է ոչ միայն Հենրիխ Մխիթարյանի, այլ ամբողջ հայ ժողովրդի համար, թեեւ խաղից առաջ մեր հայրենակիցներից ոմանք հայտարարում էին, թե ցանկանում են «Այաքսի» հաղթանակը: Իսկ Հենրիխը գավաթը խաղից հետո գլխավերեւում պարզեց Հայաստանի եռագույնը ուսերին գցած:
Իսկ Հենրիխ Մխիթարյանը ոչ միայն դարձավ Եվրոպայի լիգայի հաղթող առաջին հայը, այլ նաեւ խփեց «Մանչեսթեր Յունայթեդի» երկու գոլերից մեկը: Իսկ Մխիթարյանի գոլը ոչ միայն կարեւոր էր, այլ ինքնատիպ եւ գեղեցիկ: Հայաստանի հավաքականի ավագը պատմական գոլը խփեց 48-րդ րոպեին:
Իսկ առաջին գոլը 18-րդ րոպեին խփեց Պոլ Պոգբան: Ինչ վերաբերում է «Այաքսին», ապա չնայած 2:0 հաշվով կրած պարտությանը, երիտասարդ թիմը բավական լավ տպավորություն թողեց:
Այս հաղթանակի եւ 15 կգ-անոց գավաթի նվաճման համար մանչեսթերցիներն իրավունք ստացան մասնակցելու Չեմպիոնների լիգայի մրցաշարին: Եւ այսպես, Մխիթարյանը մյուս մրցաշրջանում կխաղա արդեն Չեմպիոնների լիգայում:
Ի դեպ, Մխիթարյանը դարձավ Եվրոպայի լիգայում «Մանչեսթեր Յունայթեդի» ռմբարկուն վեց գոլով:
Top-News.am