ԱՄՆ-ում արհեստական ինտելեկտի սեկտորը հասել է նոր ռեկորդի
ԱՄՆ վենչուրային կապիտալի ազգային ասոցիացիայի տվյալներով՝ 2019 թվականին արհեստական ինտելեկտի տեխնոլոգիաների զարգացման հետ կապված ամերիկյան ընկերությունները վաստակել են մոտ 20 մլրդ դոլար:
Չնայած նրան, որ անցած տարի վենչուրային կապիտալի կողմից ֆինանսավորումը նվազել է, արհեստական ինտելեկտի սեկտորը նոր ռեկորդի է հասել:
Նախանցած տարի 16,8 մլրդ դոլարի ներդրումներ է ստացել ԱԻ 1281 ընկերություն ԱՄՆ-ից, 2019 թվականին՝ 1356-ը, իսկ ներդրումների ընդհանուր թիվը հասել է 18,4 մլրդ դոլարի, հաղորդում է HighTech+-ը:
2019-ի վերջին եռամսյակի ամենախոշոր ներդրումներն են՝ Evisort ստարտափը՝ պայմանագրերի ավտոմատացման համակարգի մշակողը, որը ստացել է 15 մլն դոլար, Huckleberry-ն, որը միավորում է փոքր բիզնեսը ապահովագրական ընկերությունների հետ ԱԻ միջոցով, այն ստացել է 18 մլն դոլար, Anyscale-ը, որը հեշտացնում է մեքենայական ուսուցման հավելվածները եւ թանկացել է 20,6 մլն դոլարով:
Միջազգային էներգետիկ գործակալության զեկույցի համաձայն՝ վերականգնվող էներգետիկան՝ ի տարբերություն ԱԻ-ի, կորցնում է ներդրողների շրջանում ճանաչվածությունը: 2018 թվականին ներդրումները ինչպես վերականգնվող էներգետիկայում, այնպես էլ մասնավոր տեխնոլոգիաներում նվազել է 1 տոկոսով: Փորձագետները այդ միտումը մտահոգիչ են անվանել: