Փարիզի Աստվածամոր տաճարը դեռեւս վտանգի մեջ է
Ֆրանսիացի գեներալ Ժան Լուի Ժորժելինը, որը ղեկավարում է հրդեհից տուժած Փարիզի Աստվածամոր տաճարի վերականգնողական աշխատանքները, ասել է, որ աշխարհի գլխավոր կաթոլիկական տաճարներից մեկը դեռեւս վտանգի մեջ է, տեղեկացնում է Associated Press-ը։
Ֆրանսիական CNews հեռուստաալիքին տված հարցազրույցում Ժորժելինը նշել է, որ «մայր տաճարը դեռեւս վտանգավոր վիճակում է» անցած տարվա հրդեհից հետո։
«Նոտր Դամը դեռեւս չի փրկվել, որովհետեւ... դեռ կա կարեւոր մի քայլ, որն է՝ սրածայր աշտարակից շինարարական հարթակների հեռացումը»,- նշել է նա։
Տաճարի ռեկտոր, մոնսենյոր Պատրիկ Շովեն իր հերթին գործակալությանը տեղեկացրել է, որ տաճարն այնքան փխրուն է, որ 50 տոկոսանոց հավանականությամբ այն փրկել չի հաջողվի։