2020 թվականի հուլիսից Արցախի հետ ռոումինգի սակագները էլի կիջնեն. Հակոբ Արշակյան
Հայաստանում կանանց ներգրավվածությունը բարձր տեխնոլոգիական ոլորտում շուրջ 38 տոկոս է, եւ կարող ենք ասել, որ այս առումով Հայաստանն աշխարհի առաջատարների մեջ է: Այս մասին, այսօր՝ դեկտեմբերի 18-ին, իր տարեվերջյան ամփոփիչ ասուլիսի ժամանակ նշեց ՀՀ բարձր տեխնոլոգիական արդյունաբերության նախարար Հակոբ Արշակյանը:
Նա տեղեկացրեց, որ Գյումրիի տեխնոպարկում արդեն իսկ տեղակայված են 35 ընկերություններ. «Այսինքն կարող ենք ասել, որ Գյումրին մեր տեխնոլոգիական երկրորդ կենտրոնն է դառնում: Վանաձորի տեխնոպարկում ընկերությունների թիվն արդեն 20-ի հասնում: Այստեղ 2020 թվականին ֆինանսավորումն ավելանալու է»:
Անդրադառնալով կապի ոլորտին նախարարը նշեշեց, որ այս տարի կապի ոլորտում ձեռքբերումներից է Արցախի հետ ռոումինգի սակագների իջեցումը՝ նվազումը կազմել է 11-44 տոկոս. «Ակնկալվում է, որ հուլիսի 1-ից նորից նվազում պետք է լինի»: