Գիտնականները մոտեցել են «շատակերության դեմ» դեղամիջոցի ստեղծմանը
Հարավային Կալիֆոռնիայի համալսարանի գիտնականները հետազոտել են հիպոտալամուսի բջիջները, որոնք արտադրում են մելանին կոնցենտրացնող հորմոնը, որի բարձր մակարդակը կապված է շատակերության հետ։
Ինչպես հայտնում է Новости Mail.RU-ն, նոր հետազոտությունները ցույց են տվել, որ հորմոնն արտադրող բջիջների ակտիվությունը ստիպում է լաբորատորային առնետներին իրենց իմպուլսիվ պահել՝ կորցնելով ինքնատիրապետումը եւ բառացիորեն հարձակվելով ուտելիքի վրա։
Ընդհանուր առմամբ, հորմոնն արտադրող հիպոտալամուսի բջիջները հիպոկամպի (ուղեղի հատված, որը պատասխանատու է հիշողության եւ ուսման համար) հետ կապող նեյրոնային ցանցի վրա ազդեցությունը թույլ է տվել կարգավորել կենդանիների սննդային վարքագիծը։ Գիտնականների կարծիքով՝ կատարված բացահայտումները արդիական են նաեւ մարդկանց համար, իսկ ապագայում դրանք կարող են «շատակերության դեմ» դեղամիջոցների հիմքը կազմել։
Որոշ մարդիկ պարզապես չեն կարող իրենց զրկել սննդի հարցում, ինչը հանգեցնում է քաշի արտակարգ ավելացման։ Փորձագետները հուսով են ստեղծել դեղամիջոց, որը նեյրոնային մակարդակում կպայքարի շատակերության դեմ։ Ընդ որում, անհրաժեշտ է, որպեսզի դեղամիջոցը չփոխի սննդի ընկալումը եւ ազդի բացառապես մարդու վարքագծի վրա։