Բասկովը նշել է, որ չի կարելի մեկ ակնթարթում ջնջել Ռոտարուի 50 տարիների ներդրումը
Ռուսական էստրադայի ներկայացուցիչ Նիկոլայ Բասկովը խոսել է իր գործընկեր Սոֆյա Ռոտարուի մասին` նշելով, թե ինչպիսին էր երգչուհու արձագանքը համերգներով Ռուսաստան վերադառնալու ցանկությանն ի պատասխան հնչած վիրավորանքների: Այս մասին հայտնում է lenta.ru-ն:
«Երբ Սոֆյային զանգահարեցի, նա շատ ճնշված էր: Ինչ-որ մարդիկ մեկ ակնթարթում ցանկանում էին ջնջել այն ամենը, ինչը նա 50 տարիների ընթացքում արել է ռուսական, խորհրդային էստրադայի համար: Դա ճիշտ չէ»,- ասել է Բասկովն ու հավելել, որ Ռոտարուն միշտ էլ քաղաքականությունից դուրս է եղել և պարզապես դարձել է «իրավիճակի գերին»:
Հիշեցնենք, որ անցյալ տարի Սոֆյա Ռոտարուն հրաժարվել էր մասնակցել «Տարվա երգ» միջոցառմանը՝ Ուկրաինայում ռազմական դրության պատճառով: Սակայն երգչուհու ներկայացուցիչները միջոցառմանը չմասնակցելը պայմանավորել էին երգչուհու առողջական վիճակի հետ: Այս տարի Ռոտարուն հայտարարել է ռուսական բեմ վերադառնալու մասին` մի շարք մարդկանց կողմից արժանանալով քննադատության: