Թուրքիան մտադիր է գնել ռուսական С-400-ները՝ չնայած ամերիկյան պատժամիջոցների սպառնալիքի. Թուրք պատգամավորներ
Անկարան չի հրաժարվի ռուսական С-400-ների գնումից և օգտագործումից նույնիսկ Վաշինգտոնի կողմից պատժամիջոցներ սահմանելու պարագայում: Այս մասին գրում է Известия-ն՝ հղում տալով թուրքական խորհրդարանի միջազգային հանձնաժողովին:
Թուրքիայի խորհրդարանի միջազգային հանձնաժողովի անդամ Յունուս Էմրեի խոսքով՝ Թուրքիան չի կարող զոհել սեփական անվտանգությունն ու պաշտպանունակությունը ԱՄՆ կողմից պատժամիջոցներից խուսափելու համար:
«Ահաբեկչության դեմ պայքարն ընթանում է անմիջապես մեր սահմաններին: Մեր աշխարհագրական դիրքի պատճառով մենք կրակե շրջանակի մեջ ենք: Մենք չենք կարող վտանգել սեփական անվտանգությունը՝ խոնարհվելով ԱՄՆ սպառնալիքների առջև»,- ասել է խորհրդարանականը:
Թուրք մեկ այլ պատգամավոր Օզտյուրկ Յըլմազը հավելել է, որ С-400-ների գնման պարագայում պատժամիջոցներ կիրառելու գաղափարը սխալ է և սեպ կխրի Վաշինգտոնի և Անկարայի հարաբերությունների միջև:
Հիշեցնենք, որ ԱՄՆ նախագահ Դոնալդ Թրամփն ավելի վաղ ԱՄՆ նախագահ Դոնալդ Թրամփը իր նախորդին՝ Բարաք Օբամային մեղադրել է նրանում, որ վերջինս իր քայլերով Թուրքիայի նախագահ Ռեջեփ Թայիփ Էրդողանին ուղղել է դեպի Մոսկվա, ինչի հետևանքով էլ Անկարան գնել է ռուսական С-400 զենիթահրթիռային համակարգերը:
«Օբամայի վարչախումբն ասում էր. «Դուք չեք գնի Patriot համակարգերը, մենք դրանք ձեզ չենք վաճառի»»,- հայտնել է Թրամփը: Իր խոսքով՝ Թուրքիան մի քանի անգամ նման պատասխան է ստացել, ինչից հետո «գնացել և գնել է ռուսական հրթիռներ»: