Թինա Թըրներն իր 80-ամյակին խոսել է «կյանքի տված երկրորդ հնարավորության» մասին (տեսանյութ)
Ամերիկացի հանրահայտ երգչուհի, «Ռոքնռոլի թագուհի» Թինա Թըրներն այսօր նշում է ծննդյան 80-ամյակը, ինչի առթիվ տեսաուղերձով դիմել է երկրպագուներին։
Թինա Թըրները, ում երաժշտական կարիերան շարունակվում է արդեն 60 տարի, վերջին տարիներին երիկամների փոխպատվաստման վիրահատության է ենթարկվել և աղիների քաղցկեղ հաղթահարել։
«Ես հիանալի տեսք ունեմ։ Ինձ լավ եմ զգում։ Ես լուրջ հիվանդություններ եմ հաղթահարել և դեռևս վերականգնվում եմ։ Կարծես կյանքն ինձ երկրորդ հնարավորություն է տվել»,- ասել է երգչուհին։
Թինա Թըրները խոստովանել է, որ երջանիկ է՝ 8 տասնամյակ ապրելու համար, չնայած այն հանգամանքին, որ առողջությունը հեռու է կատարյալ լինելուց։
Երգչուհին 2017-ի ապրիլին երիկամների փոխպատվաստման է ենթարկվել։ Երգչուհու դոնորը նրա 2-րդ ամուսինը՝ Էրվին Բախն է եղել։