Ավստրալիայում շունը պատահաբար այրել է տիրոջ տունը (տեսանյութ)
Ավստրալիայի Ռինգվուդ քաղաքում Արչի անունով ֆրանսիական բուլդոգը պատահաբար այրել է տիրոջ տունը: Այդ մասին Известия-ի փոխանցմամբ՝ հայտնում է Daily Mail-ը:
Աղբյուրի հաղորդմամբ՝ տանտիրուհին պատմել է, որ 10 ամսական շանը տանը մենակ է թողել, և իր հեռանալուց չորս րոպե հետո արդեն տանը հրդեհ է սկսվել:
Միջադեպն արձանագրել են տանը տեղադրված տեսախցիկները: Կադրերում երևում է, որ շունը դիվանին խաղում է խորովածի կրակայրիչի հետ, ինչի հետևանքով հրդեհ է բռնկվում:
Նշվում է, որ հրդեհը տևել է մոտ 20 րոպե, մինչև դեպքի վայր ժամանած հրշեջները մարել են այն: Տանտերը լրագրողներին ասել է, որ ինքը բարկացած չէ շան վրա և ուրախ է, որ կրակի հետևանքով կենդանին չի տուժել: