Այսօր՝ 01 հոկտեմբերի 2020թ., 00:00
Կենտրոնամետ դեմոկրատների ինտերնացիոնալի նիստին հատուկ բանաձև ընդունեց` նվիրված Արցախյան հակամարտությանը Հայաստանը կանչում է Իսրայելում դեսպանին խորհրդակցությունների համար Արցախի առողջապահության նախկին նախարար Հարություն Քուշկյանը Արցախի զինված ուժերին նվիրաբերել է 100 000 000 մլն դրամ Հայաստանի համար միակ ընդունելի ձեւաչափը ԵԱՀԿ Մինսկի խումբն է. ԱԳՆ Մակրոնը կբարձրաձայնի ԵԱՀԿ Մինսկի խմբից Թուրքիային հեռացնելու մասին հարցը. եվրախորհրդարանական Ադրբեջանի հարվածներն արդարացում չունեն. Մակրոն (Տեսանյութ) Հունաստանի վարչապետ. Արեւելյան Միջերկրական ծովում Թուրքիայի գործողություններն այլեւս անհնար է հանդուրժել Քաղաքացիների անվտանգության նկատառումներից ելնելով` Սոթք-Քարվաճառ ավտոճանապարհը փակ է. ԱԻՆ Զախարովա. երրորդ կողմերի ռազմատենչ հայտարարությունները հղի են իրավիճակի ապակայունացմամբ Ադրբեջանը թիրախավորում է քաղաքացիական, նաեւ ուսումնական հաստատությունները. ԿԳՄՍՆ՝ միջազգային գործընկերներին «Գլուխ եմ խոնարհում. Դուք մեծ սխրանք եք գործել». Արայիկ Հարությունյանը տիկնոջ հետ այցելել է ՊԲ զինվորական հոսպիտալ Պոմպեոն Վատիկանում քննարկել է Կովկասում տիրող ճգնաժամը Մոսկվան հույս ունի, որ Վաշինգտոնի հետ ԼՂ հարցով երկկողմ երկխոսությունը կօգնի ելք գտնել Մարտունիում 4 զոհի ու 11 վիրավորի հանգեցրած հրետակոծությունը պատերազմական հանցագործություն է. Արտակ Բեգլարյան ՀՀ Ազգային ժողովը պաշտոնապես դիմել է ՀԱՊԿ ԽՎ քարտուղարությանը Արցախի հետ ռոումինգը դարձավ 5 դրամ. հայկական երեք օպերատորներ Ադրբեջանի քայլերը ստանում են կործանարար հարվածներ. Դավիթ Տոնոյանը հանդիպել է Ֆրանսիայի արտակարգ եւ լիազոր դեսպանին ՌԴ և Թուրքիայի արտգործնախարարները հեռախազրույց են անցկացրել Ղարաբաղում տիրող իրավիճակի շուրջ ԵՊՀ-ն դիմել է գործընկերներին՝ կոչ անելով դատապարտել Արցախի նկատմամբ ադրբեջանա-թուրքական ագրեսիան IYDU- ն կոչ է անում վերսկսել բանակցությունները` ԵԱՀԿ Մինսկի խմբի հովանու ներքո. հայտարարություն Մակրոն. Ֆրանսիան Ղարաբաղի մարտերին Թուրքիայից իսլամիստների մասնակցության ապացույցներ ունի Արգիշտի Կիվիրյան. Հաստատապես հնարավոր է գտնել մեկ քիփլիկ խաղաղասեր պետություն, ով կճանաչի Արցախը Էրդողանը կրկին վիրավորել է Հայաստանը Լիբանանն ու Իսրայելը պայմանավորվել են ԱՄՆ միջնորդությամբ բանակցություններ սկսելու ժամկետների շուրջ Washingtom Examiner. Էրդողանը Հայաստանի եւ Ադրբեջանի միջեւ հրադադարի հիմնական խոչընդոտն է «Մենք հաղթելու ենք, որովհետև գիտակցում ենք՝ ուրիշ ճանապարհ չունենք». իսրայելահայ հոգևորական Ազգային ժողովը նոր պատգամավոր ունի ՌԴ ԱԽ-ում նշել են Սիրիայից եւ Լիբիայից զինյալներին Լեռնային Ղարաբաղ տեղափոխելու վտանագավորությունը Ադրբեջանական կողմը ոչնչացրել է սեփական էլիտար ստորաբաժանումներից մեկը Իրանի տարածքում 3 արկ է ընկել. մեկ իրանցի երեխա է վիրավորվել Արցախում հրետակոծության տակ է հայտնվել Дождь հեռուստաընկերության տնօրենի տեղակալը ԱՄՆ կոնգրեսական. Ղարաբաղի վրա Ադրբեջանի եւ Թուրքիայի հարձակումը սպառնում է հրահրել ՆԱՏՕ-ին ՌԴ-ի հետ հակամարտության Գերտերությունները պահանջում են անհապաղ դադարեցնել պատերազմը Ադրբեջանական զինված ուժերը թիրախավորել են նաև Agence France-Presse-ի լրագրողներին տեղափոխող մեքենան. ծանր վիրավորներ կան.(լուսանկարներ) Հակամարտությունում կանադական տեխնոլոգիաների օգտագործման վերաբերյալ պնդումները կհետաքննվեն․ Կանադայի ԱԳՆ Ամերիկացի օրենսդիր. Կոնգրեսին եւ վարչակազմին կոչ եմ անում անհապաղ դադարեցնել Ադրբեջանին ռազմական օգնություն տրամադրելը Եւս մեկ ինքնաթիռ Թուրք լրագրողը կոչ է արել ոստիկաններին պաշտպանել ստամբուլահայերին սադրանքերից Խուսափեք զորակոչից, եթե արդեն զորակոչվել եք, հանձնվեք հայերին. Արցախի ԱԺ նախագահի կոչը՝ Ադրբեջանի բնիկ ժողովուրդներին Ռուսաստանի, ԱՄՆ եւ Ֆրանսիայի նախագահների համատեղ հայտարարությունը Արցախի հարցով՝ շուտով Էլինա Դանիելյան. Ով Հայաստան գա սրով, սրից էլ կկործանվի Հադրութը ենթարկվել է հրետանային հարվածների «Մեր հայերը պատերազմի մեջ են. դա կկոտրեր սիրտդ». Սեդա Ազնավուրի գրառումը՝ շանսոնյեի մահվան տարելիցին Անհատներ, բանկեր, կազմակերպություններ, Մայր Աթոռ. հրապարակվել է խոշոր նվիրատուների ցանկը «Երբ խաղաղ լինի, անպայման Հայաստան այցելեք». Ժաննա Լեւինա Դատապարտում ենք թուրքական ագրեսիան Տխուր եմ, որ Արցախի հակամարտության մեջ «կրակի վրա բենզին լցնող» երկրի պատգամավոր եմ. Կարո Փայլան Լելե Թեփեի տարածքում ՊԲ ստորաբաժանումները խոցել են հակառակորդի մարտական ուղղաթիռ Մի քանի դիտարկում երեկվա դրությամբ ԱԱԾ-ում բացահայտվել է նախկին բարձրաստիճան զինծառայողի կողմից պետական դավաճանություն կատարելու դեպք Իրանը թույլ չի տա, որ ահաբեկիչները տեղակայվեն հյուսիսային սահմանին հարակից տարածքներում «Եթե Էրդողանը շարունակի անցնել սահմանները, դա կարող է լինել նրա ոչնչացումը»․ Financial Times Ռազմաքաղաքական իրավիճակն Արցախում.ուղիղ Ադրբեջանի և Թուրքիայի գործողությունները չեն կարող առանց քաղաքական և իրավական հետևանքների մնալ «Արցախ չունենք ոչ մեկին տալու, Արցախը մերն է»․ Արթուր Աբրահամի ելույթը Բեռլինում Մակրոնը եւ Պուտինը քննարկել են Արցախում ստեղծված իրավիճակը ԵՄ առաջնորդները կքննարկեն Լեռնային Ղարաբաղը, ինչպես նաեւ Թուրքիայի հետ հարաբերությունները Արայիկ Հարությունյանի ճեպազրույցը Ճապոնիան Լեռնային Ղարաբաղում կրակի դադարեցման եւ երկխոսություն սկսելու կոչ է անում Լոս Անջելեսի քաղաքային խորհուրդը դատապարտել է Արցախի նկատմամբ Ադրբեջանի ագրեսիան Բժիշկները պայքարում են ամեն զինվորի կյանքի ու առողջության համար Գիշերվա ընթացքում արցախա-ադրբեջանական հակամարտության գոտում պահպանվել է հարաբերական կայուն լարվածություն ԱՀ նախագահ Արայիկ Հարությունյանն ընդունել է ՀՀ ազգային անվտանգության ծառայության տնօրեն Արգիշտի Քյարամյանին Ասադի խորհրդականը Թուրքիային մեղադրել է ԼՂ-ում հակամարտության հրահրման մեջ Ռուսաստանը կոչ է արել ահաբեկիչներին դուրս բերել Ադրբեջանից Մխիթար Հայրապետյանը հեռախոսազանգ է ունեցել Իրան-Հայաստան բարեկամական խմբի ղեկավարի հետ Հայաստանի ՊՆ-ն ներկայացրել է Ադրբեջանի կորուստները՝ տասնյակ տանկեր, 3 «ՏՕՍ», 1 «Սմերչ» Ինչպե՞ս պայքարել ադրբեջանական ապատեղեկատվության դեմ. հայ փորձագետը նշել է սոցցանցերում սպառնալիքի հիմնական աղբյուրները Երեք նախագահներն Արցախում (լուսանկար) Իրաքը կպաշտպանի օտարերկրյա առաքելությունների շենքերը, հավաստիացրել է երկրի վարչապետը ՀՀ ՊՆ. Արցախի ուղղությամբ օդային հարվածների հրամանատարությունն Ադրբեջանը հանձնարարել է Թուրքիային «Մենք ապացուցել ենք դա նախկինում և կապացուցենք կրկին». Արմեն Սարգսյանը նամակ է հղել Աբու Դաբիի թագաժառանգին Արմեն Գրիգորյանը հեռախոսազրույցներ է ունեցել Ղրղզստանի եւ Ղազախստանի անվտանգության խորհրդի քարտուղարների հետ Ներքին թշնամին ակտիվ է անգամ հիմա «Թուրքիայի ղեկավարությունը հայերի սպանությունը քողարկում է «պատերազմ մինչեւ հաղթական ավարտ» բառերով». Թինա Կանդելակի Մակրոն. ես ասում եմ Հայաստանին եւ հայերին՝ Ֆրանսիան կխաղա իր դերը Կրեմլը հավանություն չի տալիս ղարաբաղյան սրացման հարցում Ադրբեջանին Թուրքիայի կողմից ցուցաբերված քաղաքական աջակցությանը․ Պեսկով Սա հիշեցո՞ւմ է Կոչ Արցախի ներկա և նախկին բոլոր ղեկավարներին Թուրքիան առաջարկել է Ղարաբաղի հարցի «սիրիական մոդելը»
Հարցում

«Ուզում են շախմատիստներին բաժանել սևերի ու սպիտակների». Օլիմպիական կրկնակի չեմպիոն Արտաշես Մինասյան

«Գիտեք, շախմատում այսպիսի բան չի եղել: Մենք միշտ միասնական ենք եղել, տարաձայնություններ եղել են, բայց մենք հարցերը լուծել ենք միասնական ձևով: Շատ վատ միտումներ եմ տեսնում այստեղ: Ուզում են շախմատը քաղաքականացնել: Ուզում են այնպես անել, որ շախմատիստներն էլ բաժանվեն տարբեր մասերի: Ուզում են այստեղ էլ մարդկանց տարանջատել սև ու սպիտակների»,- 168.am-ի հետ զրույցում ասաց Օլիմպիական երկակի չեմպիոն, Հայաստանի պատանեկան հավաքականի ավագ մարզիչ ու նաև Երևանի շախմատի ֆեդերացիայի նախագահության անդամ Արտաշես Մինասյանը՝ խոսելով Երևանի շախմատի ֆեդերացիայում տեղի ունեցած արտահերթ ընտրությունների ու նորանշանակ նախագահի մասին:

Ինչպես հայտնի է՝ Երևանի շախմատի ֆեդերացիայի նոր նախագահ է ընտրվել ԱԺ Գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովի նախագահ Մխիթար Հայրապետյանը:

Նա այդ պաշտոնում փոխարինել է Ֆեդերացիայի արդեն նախկին նախագահ Տարոն Մարգարյանին, ում պաշտոնավարումը ավարտվելու էր 2020 թվականի մարտին:

Բայց հանկարծ որոշվել է հոկտեմբերի 17-ին անցկացնել նախագահի արտահերթ ընտրություն: Ըստ Արտաշես Մինասյանի՝ նման շտապողական ու գաղտնի գործողություններում ինչ-որ անազնիվ բան կա:

Մինասյանի խոսքով՝ ինքը դեռ ամիսներ առաջ՝ Հնդկաստանում շախմատի պատանեկան հավաքականի հոկտեմբերի մրցումների ժամանակ է նման խոսակցություններ լսել, սակայն չի հավատացել:

«Եկա ու իմացա, որ այսպիսի բաներ են կատարվում, կատարվելու, մի քիչ լուրջ չընդունեցի, մտածեցի՝ այդքան էլ իրական չի: Եթե այդպիսի բան լիներ, ես մտածում էի՝ մեզ կհրավիրեին հոկտեմբերի 17-ի նիստին: Հետո իմացա, որ նախագահության ոչ մի անդամ հրավիրված չի եղել այդ նիստին: Զարմացա, մանավանդ, որ Երևանի ֆեդերացիայի նախագահ Տարոն Մարգարյանը բավականին մեծ աշխատանք է կատարել Երևանի շախմատիստների և ընդհանրապես շախմատի համար, մի շարք դպրոցներ են բացվել Երևանում, աշխատատեղեր են ստեղծվել, ինչ հարց եղել է երեխաների հետ, մենք դպրոցների տնօրենների հետ միասին լուծել ենք: Եվ ինձ համար շատ զարմանալի էր, որ Տարոն Մարգարյանին կարծես թե ուզում են արտահերթ ընտրություններով հանել: Դա շատ զարմանալի էր, ու կարող եմ ասել, շատ անբարոյական քայլ էր, իսկապես անբարոյական քայլ էր»,- ասաց Արտաշես Մինասյանը:

Պարզվում է՝ Մինասյանին ու նախագահության ևս 20 անդամի չեն հրավիրել հոկտեմբերի 17-ին կայացած նիստին, բայց նրանց փոխարեն՝ նիստին ներկա են եղել մարդիկ, ովքեր ինչ-որ անհասկանալի ու արագ ճանապարհով դարձել են նախագահության անդամ:

«Երևի ամաչում են մեզ զանգել, չեն զանգում, տեղյակ չեն պահում: Լսել եմ, որ 42 հոգի են մասնակից եղել: Բայց ովքեր որ նախագահության անդամներ են եղել, նրանց չեն զգուշացրել: Ստացվում է՝ նոր նախագահության անդամներ են, իսկ մենք ավտոմատ դուրս ենք մնացել»,- ստեղծված իրավիճակից բարկացած ու վիրավորված ասաց Հայաստանի 6-ակի չեմպիոնը:

Նրա խոսքով՝ արտահերթ ընտրությունները սովորոբար անցկացվում են որևէ արժանահավատ, էական հիմքով: Այս արտահերթ ընտրություններում, սակայն, Մինասյանը որևէ հիմք չի տեսնում: Զարմանում է, ինչպե՞ս կարելի է շահարկել ֆեդերացիայի նախկին նախագահ Տարոն Մարգարյանի Հայաստանում չլինելու հանգամանքը, երբ վերջինս, անգամ երկրից դուրս գտնվելով, կատարել է իր պարտականությունները:

«Վերջին 5-7 տարվա հաջողություններն ակնառու են: Երևանի ֆեդերացիայում էլ ոչ մի խնդիր չեմ տեսել: Ի՞նչ կարող էր լինել: Նորմալ գործում էր: Այստեղ քաղաքական հարցեր են: Ես չեմ ուզում մտնել քաղաքականության մեջ, բայց էստեղ կարող է և քաղաքական հարցեր լինեն: Զգում եմ, որ սա անազնիվ է, համոզված եմ, որ սա անազնիվ քայլ էր: Իմ մոտ տպավորություն է, ասես շախմատային մեր ընտանիքը ուզենան քայքայեն»,- շախմատային ամուր ընտանիքի մասին մտահոգվում էր Մինասյանը:

«Մի անազնիվ բան են ուզում անեն, բայց չգիտեմ՝ ինչ: Չնայած ասում են, որ ամեն ինչ շախմատի համար ենք անում, բայց հետագա նպատակներն իմ մոտ շատ մեծ կասկած են առաջացնում: Ինձ թվում է, ուզում են քանդել շախմատային մեր ընտանիքը», -ասաց նա:

«Ուզում են լավ բան անեն շախմատի համար, կարող են այդ լավն անել՝ առանց մեջը մտնելու ու առանց նման գաղտնի բաներ կազմակերպելու,- ավելացրեց Մինասյանը,- Այդ դեպքում մենք կնկատեինք իրենց արածն ու իրենց կհրավիրեինք ֆեդերացիա»:

Արտաշես Մինասյանի համար այս ամենի մեջ մյուս զարմանալի կետը ընկերոջ՝ Երևանի շախմատի ֆեդերացիայի գործադիր տնօրեն Նորայր Քալանթարյանի գործելաոճն է եղել: Հենց նա է առանց նախագահությանը տեղեկացնելու՝ կազմակերպել արտահերթ նիստը:

«Նիստից հետո ես ոչ մի բառ դեռ չեմ խոսել իր հետ: Մի քիչ էլ նեղացած եմ: Գիտեք, շախմատն իսկապես ազնիվ խաղ է, և գոնե շախմատում պետք է լինի ազնվություն: Գոնե շախմատում ազնվություն պետք է լինի: Մենք, որ օլիմպիական չեմպիոն ենք դարձել, այնպես չէ, որ ամենաուժեղ թիմն ենք եղել հավաքականների մեջ, բայց մենք այդ պահին միասնական ենք եղել, միասնական ոգի է եղել թիմում, և գործը առաջ է գնացել, դարձել ենք օլիմյպիական չեմպիոն: Իսկ այստեղ ես տեսնում եմ տարանջատում շախմատիստների մեջ, որը շատ վատ բաների է հանգեցնելու, շատ վատ բաների: Դրա համար ես գտնում եմ, որ սա անօրինական է, և պահանջում եմ նոր ընտրություններ»,- ասաց Մինասյանը:

Ազնիվ խաղի վարպետները սովորաբար քաղաքականությունից չեն խոսում, չեն խառնվում քաղաքական իրադարձություններին, բայց այս իրադարձությունները ազնիվ խաղի գիտակներին ստիպել են քաղաքականություն բառն ավելի շատ գործածել:

Այս ամենից խիստ վրդովված են նաև նիստին մասնակցության հրավեր չստացած նախագահության մյուս անդամները:

«Բոլորի համար շատ ցավալի էր: Մենք նախագահության անդամներով նիստի կազմակերպիչներին նամակ ենք ուղարկել՝ հարցնելով, թե ինչո՞ւ մեզ չեն հրավիրել ֆեդերացիայի նիստին: Եվ խնդրել էինք, որ այդ նամակը կարդան նիստում, բայց գործադիր տնօրենը չի ուզել ընդհանրապես կարդա նամակը: Այնտեղ եղել են մարդիկ, ովքեր ցանկացել են լսել մեր կարծիքը, բայց գործադիր տնօրենն ասել է, որ «այստեղ այդ նամակը կարդալու տեղը չէ»,- 168.am-ին պատմեց Արտաշես Մինասյանը:

Նա անգամ մտածում է, որ ընկերոջը ստիպել են նման քայլի գնալ, բայց դեռ չի շտապում այդ մասին խոսել Նորայր Քալանթարյանի հետ:

«Դեռ չեմ պատրաստվում խոսել: Ինձ համար շատ ցավալի էր, մտքովս չէր անցնում, որ նա կարող է այդպիսի քայլի գնալ: Չգիտեմ՝ դրդապատճառներն ինչ են: Պետք է մոմ վառեին, որ Տարոն Մարգարյանը հետո էլ շախմատի ֆեդերացիայում աշխատեր, ոչ թե նման քայլի գնային: Ես մտածում եմ, միգուցե ստիպե՞լ են ընկերոջս: Դա էլ է հնարավոր, չեմ կարող ասել»,- ասաց Արտաշես Մինասյնաը:

Արտահերթ, շտապ ընտրություններում Մինասյանին մեկ այլ բան էլ է զարմացրել: Պարզվում է՝ Երևանի շախմատի ֆեդերացիայի նախագահի թեկնածու Մխիթար Հայրապետյանը մինչև ընտրություններն անգամ չի հանդիպել ու իր տեսլականի մասին չի պատմել նախագահության անդամներին, հայտնի ու փորձառու շախմատիստներին:

«Ֆեդերացիայի նոր նախագահը կարող էր մի քանի բառով ներկայացնել իր տեսլականը, ասեր՝ ի՞նչ պլաններ ունի, ի՞նչ ունի անելու, իմ կարծիքը հասկանար: Էլի եմ ասում, մենք իր դեմ բան չունենք, բայց պետք է մենք հասկանանք՝ ում ենք ընտրում: Միգուցե Տարոն Մարգարյանը պետք է շարունակի՞ ֆեդերացիայի աշխատանքները: Ի՞նչն էր խանգարում իրենց 3-4 ամիս սպասել, և ընտրություններին ամեն մեկը կասեր իր կարծիքը, մենք էլ կընտրեինք»,- ասաց Մինասյանը:

Նա միայն լսել է, որ Մխիթար Հայրապետյանը խոսել է մի քանի շախմատիստի հետ, բայց ոչ ոք չգիտի, թե ինչի մասին:

Օրինական ընտրությունների ձգտող Արտաշես Մինասյանը վստահ է, եթե Մխիթար Հայրապետյանն իսկապես շախմատը բարելավելու լավ տեսլական ունենար, կսպասեր մարտ ամսին կայանալիք ընտրություններին: Կամ հիմա կգար ու կփորձեր ապացուցել, որ նա ֆեդերացիայի արժանի նախագահ է:

Անհիմն ու շտապ արտահերթ ընտրություններով մտահոգ Մինասյանը, առանց անուններ հնչեցնելու, մի քանիսին ուզում է հստակ հասկացնել՝ պետք չէ քաղաքականությունը շախմատ բերել ու այս ամուր ընտանիքը քայքայել:

«Որոշ մարդկանց ուզում եմ ասել, թող իրենց ձեռքերով չմտնեն մեր շախմատային ընտանիք և չքանդեն այն, չկիսեն շախմատիստներին տարբեր մասերի: Շախմատիստները պետք է միասնական լինեն: Շախմատիստներն արժանի են միասնական լինելուն: Եթե ուզում ենք, որ շախմատում էլի հաղթանակներ ունենանք, պետք է միասնական լինենք»,- ավելացրեց օլիմպիական չեմպիոնը:

Հետևեք մեզ Telegram-ում
website by Sargssyan