Թուրքիան միտումնավոր է կրակ բացել ամերիկյան ուժերի ուղղությամբ
Թուրքիան միտումնավոր է կրակ բացել Սիրիայի հյուսիսում տեղակայված ամերիկյան ուժերի ուղղությամբ:
The Washington Post-ի փոխանցմամբ՝ այս մասին միաժամանակ հայտարարել են ամերիկյան ներկա ու նախկին մի քանի պաշտոնյաներ:
Աղբյուրի փոխանցմամբ՝ նրանք հայտարարել են, որ թուրքական կողմը դեռ ամիսներ առաջ է տեղյակ եղել, որ տեղանքը, ուր ուղղվել են հարվածները, վերահսկվել է ամերիկյան զինված ուժերի կողմից:
Պարբերականը Թուրքիայի այս գործողությունը բացատրում է նրանով, որ այդ երկիրը մտադիր է ավելի մեծ տարածքներ առնել իր վերահսկողության տակ ու ամերիկյան ուժերը դուրս բերել այդ տարածքներից:
Ի պատասխան այս հայտարարության՝ Թուրքիայի Պաշտպանության նախարարությունից հայտարարել են, որ իրենք տեղյակ չեն եղել, որ հարվածում են ամերիկյան ուժերին, քանի որ մտադրություն են ունեցել կրակելու քրդական խմբավորումների ուղղությամբ: Իրենց խոսքով՝ ամերիկյան արձագանքից հետո կրակն անմիջապես դադարել է: