Ամերիկուհին, փորձելով խուսափել ձերբակալությունից, թաքնվել է առաստաղի տակ
Ամերիկուհին, փորձելով խուսափել խանութում գողության համար ձերբակալությունից, թաքնվել է առաստաղի տակ եղած տարածքում, հայտնում է Americaru-ն։
Քրիստինա Պերկինսը ձեւացրել է, թե գնում է Big Lots խանութի զուգարան, սակայն վերցրել է կախովի առաստաղի մի քանի սալիկ եւ բարձրացել ձեղնահարկ։ Այդպես նա ցանկացել է թաքնվել ոստիկաններից, որոնք մտադիր էին ձերբակալել նրան գողության համար։ Այժմ նրան ավելի շատ մեղադրանք է առաջադրվել, քան եթե մինգամից հանձնվեր։
Իրավապահները 5 ժամ խանութում փնտրել են կորածին, մինչեւ գուշակել են, որ նա ձեղնահարկում կարող է լինել։ Այն բանից հետո, երբ կնոջը գտել են, նա անտեսել է հրահանգները եւ պարզապես անցել է տանիքի այլ հատվածներ։ Կնոջը կալանավորել են միայն այն ժամանակ, երբ նա հոգնել է վերեւում նստելուց եւ ինքնուրույն ցած է իջել։