Ֆրանսիայում կողոպտել են երկրի վարչապետի բնակարանը
Անհայտ չարագործները կողոպտել են Ֆրանսիայի վարչապետ Բերնար Կազնյովի փարիզյան բնակարանը, ընդ որում պաշտոնական փաստաթղթերը չեն գողացվել,– Ֆրանս Պրեսս գործակալությանը հաղորդել են վարչապետի մտերիմները։
«Վարչապետը մի քանի անգամ խնդրել է իր տան մոտ չսահմանել մշտական հսկողություն, քանի որ նա գտնում էր, որ ոստիկանները առանց այն էլ չափազանց մոբիլիզացված են՝ ահաբեկչության սպառնալիքի պայմաններում»,– հաղորդել են Մատինյոնյան պալատում։ Թե կոնկրետ ինչ են գողացել վարչապետի բնակարանից, չի հաղորդվել։
Կազնյովի շրջապատից նաեւ ավելացրել են, որ չարագործները չեն իմացել, թե ով է բնակարանի տերը։ «Ամեն ինչ խոսում է այն մասին, որ կողոպտիչները չեն իմացել, որ բնակարանը, որտեղ իրենք գտնվում են, պատկանում է վարչապետին»,– հաղորդում է գործակալությունը։