Թող մարդկանց երեսին ասի, ոչ թե ֆեյսբուքյան լայվով. Արմեն Մուրադյանը՝ Արսեն Թորոսյանին
Այս թեմայով
- «Ռեանիմացիոն» 1 պացիենտի համար միջինը մոտ 1 մլն դրամ է ծախսվում. Արսեն Թորոսյան
- Պատվաստանյութի համար բանակցություններ ենք սկսել թե արտադրողների, թե հավաքական գնորդների հետ. Արսեն Թորոսյան
- Ձեր սրտի նախարարի ամենատևական աշխատավայրը եղել է «Իրական աշխարհ, իրական մարդիկ» ՀԿ-ն, որը Սորոսի գրասենյակից ստացել է 232.857$
- Ցինիզմ և ոչ ադեկվատ վարքագիծ. Արմեն Մուրադյանը փակագծեր է բացում
Գևորգ Թամամյանն այնքան կայացած բժիշկ է, որ իր գործունեությամբ վաստակել է իր կարծիքն ազատորեն արտահայտելու իրավունքն, ինչն այսօր նա արեց։ Այս մասին NEWS.am–ի հետ զրույցում ասաց Երևանի Մխիթար Հերացու անվան պետական բժշկական համալսարանի ռեկտոր Արմեն Մուրադյանը՝ անդրադառնալով Թամամյանի կողմից առողջապահության նախարարի ասուլիսը տապելելուն։
«Թամամյանը ճշմարտախոս բժիշկ է, պետք է լսել նրա քննադատությունները և դրանց ադեկվատ գնահատական տալ»,–ասաց նա՝ հավելելով, որ Թամամյանը ոչ միայն իր ընկերն է, այլև խորհրդականը։
Անդրադառնալով առողջապահության նախարար Արսեն Թորոսյանի այն հայտարարությանը, որ այդ ամենի հետևում ինքն է կանգնած, Արմեն Մուրադյանը պատասխանեց.
«Նախարարը երևակայական մտքեր է արտահայտել։ Հորդորում եմ նրան՝ մարդկանց երեսին բաց ճակատով կարծիք հայտնելու հմտություն ձեռք բերել, ինչը հարիր է իսկական բժշկին, այլ որ թե հայտարարություններ անել ֆեյսբուքյան ասուլիսների կամ տարբեր տեսակ լայվերի միջոցով. համենայն դեպս կայացած բժշկին սա է հարիր չէ»,–ասաց նա։
Հիշեցնենք, որ այսօր առողջապահության նախարար Արսեն Թորոսյանի մամուլի ասուլիսը ընդհատվեց սկանդալային միջադեպով. նախարարը արյունաբանական կենտրոնում ասուլիսի ժամանակ նէր էր սկսել իր ծրագրերը ներկայացնել, երբ դահլիճ մտավ նույն կենտրոնիուռուցքաբան Գեւորգ Թամամյանը և մեղադրանքներ հնչեցրեց նախարարի հասցեին։ Արսեն Թորոսյանն ընդհատեց իր ասուլիսը և հեռացավ։ Ավելի ուշ իր ֆեյսբուքյան էջում անդրադառնալով Թամամյանի հայտարարություններին, նախարարն ասաց, որ այդ ամենի հետևում կանգնած է ԵՊԲՀ ռեկտոր Արմեն Մուրադյանը:
«ԵՊԲՀ-ի ռեկտոր Արմեն Մուրադյանի կողմից էր կազմակերպված այս ամենը: Նա ժառանգություն է ստացել իր պաշտոնը և հիմա սարսափած է, որ կարող է այն կորցնել: Նա կարծում է, որ մենք շատ մեծ վտանգ ենք ներկայացնում իր պաշտոնավարման համար: Երբ մենք ցանկացանք ԵՊԲՀ խորհրդի կազմը փոխել, այդ ժամանակվանից սկսվեց արշավն իմ դեմ»,-ասաց նա: