«Օրենքով գողն» առաջին անգամ դիմել է ՆԳՆ եւ հրաժարվել այդ տիտղոսից
Օգհոստոսի 5-ին մայրաքաղաքի բնակիչ 59-ամյա Օլեգ Մուխամեթշինը, որը քրեական միջավայրում ավելի շատ հայտնի է որպես Մուխա Լյուբերեցկի, հայտարարությամբ դիմել է ՆԳՆ Մոսկվայի ԳՎ այն մասին, որ ինքը «օրենքով գող» չէ եւ այդ տիտղոսից հրաժարվում է, հայտնում է «Փրայմ Կրայմը»:
Այս քայի դրդապատճառների մասին ոստիկանների հարցին նախկին «օրենքով գողը» պատասխանել է, որ «իրեն ուղղակի այդպիսին չի համարում», ինչը կարող է միանգամայն ճշմարիտ լինել: Սակայն ոստիկանությունում հազիվ թե որեւէ մեկը հավատար, որ նա երբեք ոչ մի տիտղոսով օժտված չի եղել:
Մեր տեղեկություններով՝ նախկինում մի քանի անգամ փաստաթղթերի կեղծման, ավազակության, զենք պահելու եւ կալանավայրից փախուստի դիմելու համար դատապարտված ծագումով Կազանից Օլեգ Մուխամեթշինը թագադրվել է 1994 թվականին մոսկովյան «օրենքով գողեր» Անդրեյ Իսաեւի (Ռոսպիս) եւ Վլադիմիր Սավոսիկինի (Սավոսկա) երաշխավորությամբ:
Մինչեւ վերջին պահը Օլեգ Մուխամեթշինը դասվում էր, այսպես կոչված, «սլավոնացիներին», որոնք ավելի ակտիվորեն են ներգրավված գողական գործընթացներին: 2008 թվականին, դեռեւս բանտարկված լինելով, Մուխան հայտնվել է Դեդ Հասանի գերդաստանի կողմնակիցների թվում, որոնք մահվան դատավճիռ էին ստորագրել Տարիել Օնիանիի համար: 2013 թվականին Մուխամեթշինի մասնակցությամբ թագադրվել է Նովոսիբիրսկի բնակիչ Եվգենի Անտիպովը, որի հետ նա կրել է վերջին պատժաժամկետը, իսկ 2014-ին՝ Կազանի բնակիչ Ռոման Սիչեւը:
Բացառված չէ, որ Մուխամեթշինը, որը հիմա Դեգտյայով ազգանունն է կրում այսպիսով փորձում է իրեն վնասազերծել ճաղավանդակների իր հարեւան Շիշկանի ճանապարհով գնալուց:
Ինչ էլ նրան սպառնա, Օլեգ Մուխամեթշին-Դեգտյարյովը գողական աշխարհի պատմության մեջ է մտել որպես «կարգավիճակի հոդվածը» մտցնելուց հետո առաջին կամավոր հրաժարվողը:
Ինքը՝ Մուխան, իրեն համարում է հոգեբանության նուրբ գիտակ: 2010 թվականին Կուրսկի կայարանում ձերբակալվելիս նրա ձեռքի ուղեբեռում հայտնաբերվել են գայթակղման հրահանգներ՝ գուրու Ալեքս Լեսլիի «Ֆիզիկայի պրակտիկում»-ը: Իր անձնական փորձով գողը խոստովանել է, որ ձեռնարկն ախափան է գործում եւ այն խորհուրդ է տվել բոլորին: