ՌԴ բնակչուհիներից 5-ն անցյալ տարի 17-ամյա հասակում լույս աշխարհ են բերել 5-րդ երեխային
Ռուսաստանում անցյալ տարի հինգ երեխա է ծնվել, որոնք դարձել են իրենց 17-ամյա մայրերի հինգերորդ երեխան: Այս մասին հայտնում ներկայացնում է РИА Новости-ն՝ մեջբերելով «Ռոսստատի» տվյալները:
Բացի այդ, 919 երեխա են լույս աշխարհ բերել 15-ամյա աղջիկները, որոնցից 22-ը երկրորդ անգամ են մայրացել: 16-ամյա ռուսները 2925 երեխա են լույս աշխարհ բերել, որոնցից 165-ն ընտանիքի երկրորդ երեխան են դարձել, 9-ը՝ երրորդ, 2-ը՝ 4-րդ:
Ավելի քան 190 երեխա է լույս աշխարհ բերել 14-ամյա մայրերը, 34-ը՝ 13-ամյա, 4-ը՝ 12-ամյա:
Նշվում է, որ Ռուսաստանում սեռական համաձայնության տարիքը 16-ն է: 16 տարին չլրացած անձանց հետ սեռական հարաբերություն ունենալու համար չափահաս մարդուն քրեական հետապնդում է սպասվում:
ТАСС գործակալության հաղորդմամբ՝ 2018-ին ՌԴ-ում 67 կին առաջին անգամ ծննդաբերել է 50-60 տարեկան հասակում: