Հաղորդավարներն ուղիղ եթերում Armageddon տեսակի նոր կծու պղպեղ են փորձել (տեսանյութ)
Բրիտանական ITV հեռուստատեսային ցանցով հեռարձակվող «Բարի լույս, Բրիտանիա» (Good Morning Britain) հաղորդման հաղորդավարներ Բեն Շեփարդը և Քեյթ Գարաուեյն ուղիղ եթերում Armageddon տեսակի նոր կծու պղպեղ են փորձել, որը, ըստ արտադրողների, շուկայում իր կծվությամբ զիջում է միայն Carolina Reaper տեսակի պղպեղին:
Ինչպես նշում է Metro պարբերականը, Carolina Reaper-ը գրանցվել է Գինեսի ռեկորդների գրքում որպես աշխարհի ամենակծու պղպեղ:
Հաղորդավարները նոր պղպեղը համտեսել են կծու պղպեղ ուտելու չեմպիոն Շահինա Վեսիմի հետ: Պղպեղի կծվության աստիճանը զարմացրել է վերջինիս:
Բենը և Քեյթն իրենց բաժին պղպեղը կերել են քիչ-քիչ, սակայն ավելի դժվարությամբ են դիմացել դրա ազդեցությանը:
Տեսանյութի վերջում երևում է՝ ինչպես են Շահինայի աչքերից արցունքներ հոսում: