Ջրի մեծ քանակը ևս կարող է վնասել առողջությանը
Ջրի չափաբաժնի հարցում ամենատարածված խորհուրդն է 1,5-2 լիտրը: Ֆիզիոլագները գտնում են, որ մարմնի 1 կգ քաշին մարդուն օրական անհրաժեշտ է 40 մլ ջուր: Այսինքն՝ 60 կգ քաշ ունեցող կնոջը օրվա ընթացքում անհրաժեշտ է խմել մոտ 2․4լ ջուր։
Ջրի մեծ քանակը ևս կարող է վնասել առողջությանը և խաթարել որոշ օրգանների բնականոն աշխատանքը:
Ջրի չափաբաժնի հարցում պետք է զգուշավոր լինեն նրանք, ում մոտ կա հիպերտոնիա կամ երիկամային անբավարարություն:
Օրինակ 1
2008 թ.-ին բրիտանացի Ժակլին Հենսենը մահացել էր ջրային դիետայի հետևանքով առաջացած ուղեղի այտուցվածությունից: Նա 2 ժամվա ընթացքում խմել էր 4լ ջուր:
Օրինակ 2
Կալիֆոռնիայից Ջենիֆեր Սթրենջը մասնակցել էր մրցույթի, որը կհաղթեր նա, ով կխմեր ամենաշատ ջուրը՝ առանց պետքարան գնալու: Ջենիֆերը հաղթել էր՝ խմելով 6․5լ ջուր: Բայց 5 ժամ հետո մահացել էր: Ախտորոշումն էր՝ ջրային թունավորում:
Պատճառն է այն է, որ երբ մեծ քանակությամբ ջուրը կարճ ժամանակում անցնում է օրգանիզմ, երիկամները չեն հասցնում այն ֆիլտրել և ջուրն անցնում է մյուս օրգաններ, որոնք սկսում են այտուցվել: