Microsoft-ը 1 մլրդ դոլար է ներդնում արհեստական ինտելեկտի ստեղծման ծրագրում
Microsoft-ը 1 մլրդ դոլար է ներդնում Իլոն Մասկի՝ արհեստական ինտելեկտի ստեղծման OpenAI ծրագրում, որը կարող է բարդ խնդիրներ լուծել:
Համագործակցության շրջանակում ընկերությունները նոր տեխնոլոգիաներ կստեղծեն, եւ Microsoft-ը կդառնա OpenAI էքսկլյոզիվ ամպային պրովայդերը:
Ընկերությունները հայտարարել են, որ տեխնոլոգիաները, որոնք նրանք մտադիր են ստեղծել, կարող են առավել բարդ խնդիրներ լուծել, քանի ներկայումս լուծում է արհեստական ինտելեկտը:
«Արհեստական ինտելեկտի ժամանակակից համակարգերը լավ են աշխատում կոնկրետ խնդրի լուծման համար, սակայն առավել բարդ խնդիրների լուծման համար արհեստական ինտելեկտի մի շարք տեխնոլոգիաների ընդհանուր եւ խորը յուրացում է պահանջվում: Microsoft-ի եւ OpenAI-ի կոնցեպցիան այն է, որ արհեստական ընդհանուր ինտելեկտն աշխատում է մարդկանց հետ, որպեսզի օգնի լուծել ներկայիս միջդիսցիպլինար խնդիրները, ներառյալ՝ գլոբալ խնդիրներ, ինչպես օրինակ՝ կլիմայի փոփոխություն, անհատականացված առողջապահություն եւ կրթություն»,- ասվում է ընկերությունների հայտարարության մեջ:
Հայտարարության մեջ ասվում է նաեւ, որ ընկերությունները որոշել են միասին լուծել խնդիրները՝ «հիմնվելով էթիկայի սկզբունքների եւ վստահության վրա»: