Մոլդովայի Դոբրուշա գյուղը միայն մեկ բնակիչ ունի (լուսանկարներ)
Մոլդովայի Դոբրուշա գյուղում Գրիշա Մունթանը միակ բնակիչն է, գրում է The New York Times-ը:
Գյուղում ժամանակին 50 ընտանիք է բնակվել: Այս գյուղի, ինչպես և Մոլդովայի շատ բնակավայրերի բնակչությունը դատարկվել է Խորհրդային Միության փլուզումից հետո:
«Միայնությունը կարող է սպանել քեզ»,- ասում է գյուղի 65-ամյա բնակիչը:
«Ես աշխատելիս ծառերի, թռչունների, կենդանիների, իմ գործիքների հետ եմ զրուցում: Քանի որ ուրիշ ոչ ոք չկա, որի հետ կկարողանամ զրուցել»,- հավելել է տղամարդը:
Մինչ այս փետրվար, գյուղում բնակվել է ևս երկու մարդ՝ 40-ամյա զույգ, որոնք հետևել են Մունթանի հողատարածքին, երբ նա ձու և բանջարեղեն է տարել շուկա:
Տղամարդու խոսքով՝ նրանք ամեն օր առնվազն մեկ անգամ հեռախոսազրույց են ունեցել, սակայն փետրվարին ոստիկանությունը զույգի դին է հայտնաբերել նրանց տնամերձ տարածքում:
Այժմ Գրիշա Մունթանը գյուղի վերջին և միակ բնակիչն է: Նրա ընտանիքի մասին տեղեկություններ չեն հաղորդվում:
Բաժանորդագրվեք Top-News.am-ին Telegram-ում