ՄԱԿ-ը մտահոգություն է հայտնել Իրանի ԱԳ նախարարի՝ ԱՄՆ-ում տեղաշարժի սահմանափակման առնչությամբ
ՄԱԿ-ը Միացյալ Նահանգներին իր մտահոգությունն է հայտնել Իրանի արտգործնախարար Մոհամադ Ջավադ Զարիֆի՝ ԱՄՆ-ում տեղաշարժի սահմանափակման վերաբերյալ։
Զարիֆը կիրակի օրը ժամանել է Նյու Յորք, վաղը նախատեսված է նրա հանդիպումը ՄԱԿ-ի տնտեսական և սոցիալական խորհրդում։ Սակայն նախարարին թույլատրված է միայն տեղաշարժվել ՄԱԿ-ի գրասենյակի, ՄԱԿ-ում Իրանի ներկայացուցչության, ՄԱԿ-ում Իրանի դեսպանի նստավայրի և Նյու Յորքի Ջոն Քենեդու անվան միջազգային օդանավակայանի միջև: Այս մասին ասել է ԱՄՆ Պետքարտուղարության ներկայացուցիչը։
ՄԱԿ-ի մամլո քարտուղար Ֆարհան Հաքը երեկ լրագրողներին ասել է, որ կազմակերպության քարտուղարությունն «անմիջական կապի մեջ է ՄԱԿ-ում ԱՄՆ և Իրանի մշտական ներկայացուցիչների հետ և իր մտահոգություններն է փոխանցել Միացյալ Նահանգներին»։