«Դուք կարծում եք՝ ես հիմա՞ր եմ». Զելենսկին ՊՖԾ ղեկավարից պահանջել է աշխատանքից ազատման դիմում գրել
Ուկրաինայի նախագահ Վլադիմիր Զելենսկին Պետական ֆիսկալ ծառայության ղեկավար Ալեքսանդր Վլասովից պահանջել է աշխատանքից ազատման դիմում գրել, հաղորդում է УНИАН-ը:
Նշվում է, որ այդ մասին նախագահը հայտարարել է այսօր Օդեսայում նիստի ժամանակ:
Նիստի ընթացքում նա դիմել է Վլասովին եւ հիշեցրել, որ նա խոստցել էր աշխատանքից ազատել մի քանի մաքսայինների: Վլասովը խոստացել է նրանց աշխատանքից ազատել, սակայն պաշտոնական փաստաթղթերը վկայում են այն մասին, որ նրանք ոչ թե աշխատանքից ազատվել են, այլ գտնվում են արձակուրդում:
«Ե՞րբ կկարողանանք տեսնել աշխատանքից ազատման ձեր դիմումը»,- հարցրել է Զելենսկին: Վլասովն ասել է, որ այսօր կգրի դիմումը: