Վարչապետի աշխատակազմի գործերի կառավարչի դրամական միջոցներն ու եկամուտները
«Փաստը» գրում է. «Վարչապետի աշխատակազմի գործերի կառավարիչ Վահան Պապիկյանը ներկայացրել է տվյալներ 2018 թվականին գոյացած եկամուտների և դրամական միջոցների մասին:
Բարձրաստիճան պաշտոնատար անձանց էթիկայի հանձնաժողովի պաշտոնական կայքում հրապարակված հայտարարագրի համաձայն՝ 2018 թ. հարկային տարվա սկզբում Վահան Պապիկյանի դրամական միջոցը կազմել է 1 000 000 ՀՀ դրամ: 2018 թ. հարկային տարվա վերջում նշված դրամական միջոցը համապատասխանաբար կազմել է 1 540 836 ՀՀ դրամ:
Վարչապետի աշխատակազմի գործերի կառավարչի եկամուտների հանրագումարը 2018 թվականին կազմել է 5 687 981 ՀՀ դրամ:
Նշված հանրագումարից 474 492 ՀՀ դրամը, 61 000 ՀՀ դրամը, 310 000 ՀՀ դրամը, 3 890 000 ՀՀ դրամը գոյացել են աշխատավարձերից:
5 687 981 ՀՀ դրամ հանրագումարից 540 000 ՀՀ դրամը և 412 489 ՀՀ դրամը գոյացել են ստացված փոխառություններից (վարկեր): Վահան Պապիկյանը վարչապետի աշխատակազմի գործերի կառավարիչ է նշանակվել 2018 թվականի օգոստոսին»,-գրում է թերթը:
Մանրամասները՝ թերթի այսօրվա համարում:
Բաժանորդագրվեք Top-News.am-ին Telegram-ում