Կաշառքի մեջ մեղադրվող նախկին փոխնախարար Արսեն Դավթյանն ազատ է արձակվել ՔԿՀ-ից
Առողջապահության նախկին փոխնախարար, կաշառքի մեջ մեղադրվող Արսեն Դավթյանը 15 միլիոն ՀՀ դրամ գրավի դիմաց ազատ է արձակվել։ Այս մասին «Փաստինֆո»-ի հարցմանն ի պատասխան տեղեկացրեց Քրեակատարողական ծառայության հանրային կապերի բաժնի պետ Նոնա Նավիկյանը. «Հուլիսի 9-ի երեկոյան Արսեն Դավթյանը ազատ է արձակվել»,-նշեց նա։
Հիշեցնենք, որ հուլիսի 8-ին Երևան քաղաքի ընդհանուր իրավասության դատարանը՝ Ա.Մաթևոսյանի նախագահությամբ, բավարարել էր փաստաբաններ Տիգրան Ղազարյանի և Երեմ Դավթյանի՝ ՀՀ Առողջապահության նախկին փոխնախարար Արսեն Դավթյանի նկատմամբ ընտրված կալանքը գրավով փոխարինելու վերաբերյալ միջնորդությունը։
Գրավի չափ էր սահմանվել 15.000.000 ՀՀ դրամը, որը մուծվել է եւ նա ազատ է արձակվել։
Դատախազության հանրային կապերի բաժնի պետ Արեւիկ Խաչատրյանը «Փաստինֆո»-ին տեղեկացրեց, որ իրենք դատարանի որոշումը դեռ չեն ստացել, ուստի դեռեւս հայտնի չէ՝ դատարանի այս որոշումը բողոքարկելու են թե ոչ։
Բաժանորդագրվեք Top-News.am-ին Telegram-ում