Ցյուրիխում բնակիչները դատի են տվել աքլորին
Ցյուրիխում բնակիչները դատի են տվել աքլորին գիշերը ծուղրուղու կանչելու համար, հաղորդում է ՏԱՍՍ-ը՝ Neue Zurcher Zeitung-ի վրա հղումով:
Աքլորի տիրոջը պրտավորեցրել են ապահովել աքլորի «լռություն» երեկոյան ժամը 10-ից մինչեւ առավոտյան ժամը 8-ը, կիրակի օրերին՝ երեկոյան ժամը 10-ից մինչեւ առավոտյան ժամը 9-ը: Նշված ժամանակահատվածում աքլորին արգելվում է լքել հավաբունը, եւ այն պետք է նստի այնտեղ մթության մեջ:
Ընդ որում, հայցվորը նշել է, թե քանի անգամ է աքլորը ծուղրուղու կանչում: Մասնավորապես, նա հաշվել է, որ աքլորը ժամում 14-44 անգամ ձայներ է հանում եւ՛ ցերեկը, եւ՛ գիշերը, ձայնը 15 մ հեռավորության վրա հասնում է 84 դԲ-ի: Սակայն դատարանը կասկած է հայտնել՝ կապված ձայնի չափի ճշգրտության հետ: Բացի այդ, հայցվորը բողոքել է հոտից:
Նա պնդել է, որպեսզի հավաբունը հանվի, սակայն դատարանը նրան չի աջակցել: