Զելենսկին կողմ է արտահայտվել Դոնբասում ռուսերենն աշխատանքային լեզու դարձնելու գաղափարին
Դոնբասի բնակիչների խնդրանքով ռուսերենը կարող է ապագայում դառնալ պաշտոնական աշխատանքային լեզու: Այդ մասին հայտարարել է Ուկրաինայի նախագահ Վլադիմիր Զելենսկին:
«Եթե Դոնեցկի բնակիչների համար կարևոր է, որ նրանք, օրինակ, փաստաթղթերը լրացնեն ռուսերենով, ես որևէ խնդիր չեմ տեսնում»,- kp.ru-ի փոխանցմամբ՝ նշել է Ուկրաինայի նախագահը:
Նա հավելել է, որ երկրում ռուսերենով միմյանց հետ հաղորդակցվելու արգելք չկա:
Հիշեցնենք, որ 2019 թվականի մայիսին Ուկրաինայի նախկին նախագահ Պյոտր Պորոշենկոն ստորագրել էր ուկրաիներենը միակ պետական լեզու սահմանելու մասին օրենքը:
Բաժանորդագրվեք Top-News.am-ին Telegram-ում