Բոլորը շատ լավ պատկերացնում են՝ ում մասին է խոսքը. Արթուր Վանեցյանը` սևազգեստների մասի
Չեմ նշել, որ շատ հայտնի են սևազգեստները, նշել եմ, որ բոլորը շատ լավ պատկերացնում են՝ ում մասին է խոսքը: Այս մասին լրագրողների հետ զրույցում ասաց Ազգային անվտանգության ծառայության պետ Արթուր Վանեցյանը` անդրադառնալով «սևազգեստների» վերաբերյալ հարցին:
«Թողնում եմ դա յուրաքանչյուրի հայեցողությանը՝ իրենք որոշեն, թե ովքեր են սևազգեստները: Իսկ ՀՀ-ի ոստիկանությունը մշտապես կատարում է իր գործառույթները և մշտապես ԶԼՄ-ներով լուսաբանվում է իրենց կատարված աշխատանքները»,-ասաց նա:
Հիշեցնենք, որ վերջերս ՀՀ կառավարության նիստերից մեկում ՀՀ վարչապետ Նիկոլ Փաշինյան անդրադարձել էր, իր բնորոշմամբ, բռնություն քարոզողների դեմ պայքարին: «Այդ սևազգեստ խմբերին պետք է տեղորոշել, սև շորերի հարցը լուծել, ծաղկավոր «բաբչկան» կապել և հնարավորինս վառ ծաղիկներով ճանապարհել քաղաքակիրթ օրինական կյանքի»,– ասել էր Նիկոլ Փաշինյանը: