Ես ուզում եմ, որ մենք չունենանք դատավորներ, որոնց ականջներում «ժուչոկ» է դրած. Զոհրաբյան
Խորհրդարանում «Բարգավաճ Հայաստան խմբակցության անդամ Նաիրա Զոհրաբյանը խոսել է ԲԴԽ անդամի թեկնածու Վիգեն Քոչարյանի մասին:
«Դուք գնում եք այնտեղ, որին, ըստ ամենայնի, վերապահվելու է վեթինգի գործընթացի իրականացումը: Մենք հավատում ենք, որ Դուք անձամբ այդ վեթինգն անցնելու եք: Ես վստահ եմ, որ Ձեր ընտրության վրա կանգ են առել հենց այն պատճառով, որ Դուք այդ վեթինգն անցնելու եք: Բայց արդյո՞ք դա բավարար պայման է լինել միայն ազնիվ, անկաշառ՝ նման պատասխանատու պաշտոն ստանձնելու համար: Գոնե Դուք պետք է ունենայիք այդ «վիժնը», գործիքակազմի պատկերացումը, թե Հայաստանում ինչպես պետք է իրականացվի վեթինգը: Ես ուզում եմ, որ մենք չունենանք կաշառակեր դատավորներ, դատավորներ, որոնց ականջներում «ժուչոկ» է դրած, և դա ուղղակի կապված է նախագահականի կամ կառավարության հետ, որոնք ամենապրիմիտիվ դատական վճիռը կայացնելու ունակություն չունեն, որովհետև նրանց ներսում նստած է ստրուկը»,- ասաց Զոհրաբյանը:
Միաժամանակ նա նշեց, որ չի ցանկանում, որպեսզի վեթինգը վերածվի «վհուկների որսի»: