Հիմալայների սառցադաշտերը գրեթե կրկնակի կրճատվել են գլոբալ տաքացման պատճառով. հետազոտություն
Գլոբալ տաքացումը կրճատում է Հիմալայների սառցադաշտերը։ Համաձայն նոր հետազոտության՝ սառույցն այդ շրջանում կրճատվել է կիսով չափ, տեղեկացնում է UPI-ն։
Գիտնականներն ուսումնասիրել են տվյալների դինամիկան, որոնք հավաքվել են արբանյակով Հնդկաստանի, Չինաստանի, Նեպալի եւ Բութանի տարածքում 40 տարվա ընթացքում։ Համաձայն տվյալների վերլուծության, որոնք հրապարակվել են Science Advances ամսագրում, 21-րդ դարասկզբից սառույցներն աշխարհում ամենաբարձր լեռների տարածքում հալվել են գրեթե կրկնակի չափով 1975-2000 թվականների համեմատ։
«Սա ամենապարզ պատկերն է այն բանի, թե ինչ արագությամբ ու ինչու են հալվել սառցադաշտերը Հիմալայներում ժամանակի այդ միջակայքում»,- ասել է հետազոտության հեղինակ, Կոլումբիայի համալսարանի Լամոնթ Դոերթիի Երկրադիտարանի աշխատակից, գիտությունների թեկնածու Ջոշուա Մորերը։