Աբովյանում հրկիզման գործի առնչությամբ Գագիկ Ծառուկյանը հրավիրվել է ՀՔԾ՝ հարցաքննության
«Բարգավաճ Հայաստան» կուսակցության ղեկավար, պատգամավոր Գագիկ Ծառուկյանն այսօր երեկոյան վկայի կարգավիճակով հարցաքննվելու է Քննչական կոմիտեում՝ Աբովյանում «Քաղաքացիական պայմանագրի» թեկնածուի շտաբի պետի ավտոմեքենան և տան մուտքը հրկիզելու գործով:
Քննչական կոմիտեից «Ազատության»-ը փոխանցեցին, որ «Բարգավաճ Հայաստան»-ից միայն Ծառուկյանն է հրավիրվել հարցաքննության: Կասկածյլաներ առայժմ չկան:
Աբովյանում մայիսի 8-ին՝ քաղաքապետի ընտրություններից մեկ օր առաջ, հրկիզվել էր «Քաղաքացիական պայմանագրի» քաղաքապետի թեկնածու Գրիգոր Գուլյանի նախընտրական շտաբի ղեկավար Վահան Սարիբեկյանի մեքենան և տան մի հատված։ Դեպքի առթիվ քրեական գործ է հարուցվել՝ գույքը դիտավորությամբ ոչնչացնելու կամ վնասելու հոդվածով։ Շտաբի ղեկավարը ճանաչվել է տուժող։
Անդրադառնալով դեպքին՝ «Բարգավաճ Հայաստան» խմբակցության պատգամավոր Նաիրա Զոհրաբյանն ընտրություններից մեկ օր առաջ մեքենան և տան դուռը հրդեհելը բեմականացում որակեց։