Իվան Գոլունովի մայրը լրագրողներին տորթ է հյուրասիրել
Ռուսական «Медуза» լրատվական գործակալության թղթակից Իվան Գոլունովի մայրը` Սվետլանան, հայտարարել է, որ բոլորի նման ինքն էլ ուրախ է որդու ազատ արձակվելու առիթով: Այս մասին տեղեկացնում է Ruptly գործակալությունը: Սվետլանան լրագրողներին տորթ է հյուրասիրել և շնորհավորել բոլորին:
«Ես Իվանի մայրն եմ: Շնորհակալ եմ բոլորիցդ աջակցության և պաշտպանության համար: Դա նկատելի էր: Խոնարհվում եմ բոլորիդ առաջ: Իհարկե, բոլորիդ նման ես էլ ուրախ եմ»,- ասել է Սվետլանան և հավելել, որ տեղյակ չէ, թե ներկա պահին որտեղ է որդին և, հնարավոր է, տնային կալանքից ազատվելուց հետո մեկ գիշեր տուն չվերադառնա:
Հիշեցնենք, որ Իվան Գոլունովին ձերբակալել էին հունիսի 6-ին՝ թմրանյութերի վաճառք իրականացնելու փորձի համար: Նրա դեմ հարուցված քրեական գործն ավելի վաղ կարճվել էր՝ ապացույցների բացակայության պատճառով: