Լևոն Մնացականյանը նշանակվեց Արցախի ոստիկանապետ
Լեռնային Ղարաբաղի ղեկավար Բակո Սահակյանի այսօրվա հրամանագրերով՝ Լևոն Մնացականյանն ազատվել է Արտակարգ իրավիճակների պետական ծառայության տնօրենի պաշտոնից և նշանակվել Արցախի ոստիկանապետ, տեղեկացնում է ԼՂ նախագահի աշխատակազմի տեղեկատվության գլխավոր վարչությունը։
Լևոն Մնացականյանը 2015 թվականի հունիսից մինչև 2018-ի դեկտեմբեր Արցախի պաշտպանության նախարարն էր, ապա նշանակվել էր Արտակարգ իրավիճակների պետական ծառայության տնօրեն:
Սահակյանի մեկ այլ հրամանագրով՝ Արտակարգ իրավիճակների պետական ծառայության տնօրեն է նշանակվել Վլադիկ Խաչատրյանը՝ ազատվելով ծառայության տնօրենի տեղակալի պաշտոնից:
Բակո Սահակյանը նաև հրամանագրեր է ստորագրել Արցախի ոստիկանության պետ Իգոր Գրիգորյանին պաշտոնից ազատելու և ԼՂ նախագահի խորհրդական-նախագահի հատուկ հանձնարարությունների գծով ներկայացուցիչ նշանակելու մասին։