Լիտվան նոր նախագահ ունի
Տնտեսագետ Գիտանաս Նաուսեդան հաղթել է Լիտվայի նախագահական ընտրությունների երկրորդ փուլում, որը կայացել է կիրակի՝ մայիսի 26-ին։
Քվեաթերթիկների մեծ մասի հաշվարկման արդյունքներով՝ 54-ամյա Նաուսեդային աջակցել է ընտրողների 71 տոկոսը։ Նրա մրցակից, ֆինանսների նախկին նախարար Ինգրիդ Շիմոնիտեի օգտին է քվեարկել 29․49 տոկոսը։
SEB բանկի լիտվական ստորաբաժանման նախկին գլխավոր տնտեսագետը կապված չէ ոչ մի քաղաքական ուժի հետ։ Հենց դրանով են փորձագետները պայմանավորում նրա հաղթանակը, նշում է РБК-ն։
Երկրի գործող նախագահ Դալյա Գրիբաուսկայտեն երկիրը ղեկավարում է արդեն երկու ժամկետ։ Երրորդ ժամկետին նա հավակնել չէր կարող։