Ուղևորատար ինքնաթիռը վթարային վայրէջք է կատարել առանց շասիի (տեսանյութ)
Մյանմայի Մանդալայ քաղաքի օդանավակայանում առանց շասիի վթարային վայրէջք է կատարել Myanmar National Airlines ավիաընկերությանը պատկանող ուղևորատար օդանավը, որում 89 ուղևոր է գտնվել:
Ինչպես հաղորդում է Lenta.ru-ն, միջադեպը տեղի է ունեցել Embraer ERJ-190LR ինքնաթիռի հետ, որը Յանգոնգից ուղևորվել էր Մանդալայ: Երբ օդաչուներին չի հաջողվել բացել դիմացի շասին, նրանք երկու պտույտ են գործել ցածր բարձրությամբ թռիչքուղու վերևում, ծախսել են վառելիքն ու հաջող վայրէջք կատարել առանց շասիի:
Համացանցում հրապարակված տեսանյութում երևում է, թե ինչպես է ինքնաթիռը վայրէջքի պատրաստվում, այնուհետև դիպչում թռիչքուղուն՝ առաջ թեքվելով: Նշվում է, որ ուղևորներից և անձնակազմի անդամներից ոչ ոք չի տուժել:
A Myanmar National Airlines Embraer 190 (XY-AGQ) has landed safely with its nose gear retracted at Mandalay airport, Myanmar. No injuries reported. https://t.co/6MgQAQmy0n pic.twitter.com/BzKJ4LhBD2
— Breaking Aviation News (@breakingavnews) 12 мая 2019 г.